Ağsu RİH başçısı Musabəyli kəndində səyyar qəbul keçirib
Ağsu Rayon İcra Hakimiyyətinin başçısı Rövşən Bağırov hüquq-mühafizə orqanlarının, əlaqədar idarə və təşkilat rəhbərlərinin iştirakı ilə Musabəyli kəndində səyyar qəbul keçirib.
Səyyar qəbulda vətəndaşlar tərəfindən kənddaxili avtomobil yolunun təmiri, içməli və suvarma suyu ilə təçhizatın yaxşılaşdırılması, kənddə yerləşən tibb məntəqəsinin dam örtüyünün dəyişdirilməsi, kəndin əkin sahələrində ziyanvericilərin zərərsizləşdirilməsi, bir sıra sakinlərə maddi yardım təyini ilə bağlı xahiş və təkliflər səsləndirilib, həmçinin digər yerli əhəmiyyətli məsələlərin həlli qaldırılıb.
Vətəndaşların müraciətlərinin əksəriyyəti yerində həll olunub, bəzilərinin həlli nəzarətə götürülüb və onların icrası ilə bağlı rayon icra hakimiyyəti başçısı tərəfindən aidiyyəti vəzifəli şəxslərə müvafiq tapşırıqlar verilib.
