Ağsu RİH başçısı 26 sentyabr 2024-cü il tarixdə Daşdəmirbəyli kəndində səyyar qəbul keçirib
Ağsu Rayon İcra Hakimiyyətinin başçısı Rövşən Bağırov hüquq-mühafizə orqanlarının, əlaqədar idarə və təşkilat rəhbərlərinin iştirakı ilə 26 sentyabr 2024-cü il tarixdə Daşdəmirbəyli kəndində səyyar qəbul keçirib. Səyyar qəbulda vətəndaşlar tərəfindən Daşdəmirbəyli kənd tam orta məktəbi üçün yeni binanın tikintisi, elektrik, içməli su ilə təchizatın yaxşılaşdırılması, kəndin giriş avtomobil yolunun asfaltlaşdırılması, kənd daxili yolların təmiri, suvarma arxlarının lildən təmizlənməsi, bir sıra sakinlərin işlə təminatı, maddi yardım edilməsi ilə bağlı xahiş və təkliflər səsləndirilib, həmçinin digər yerli əhəmiyyətli məsələlərin həlli qaldırılıb.
Vətəndaşların müraciətlərinin əksəriyyəti yerində həll olunub, bəzilərinin həlli nəzarətə götürülüb və onların icrası ilə bağlı rayon icra hakimiyyəti başçısı tərəfindən aidiyyəti vəzifəli şəxslərə müvafiq tapşırıqlar verilib.
