Ağsu RİH başçısı 07 avqust 2024-cü il tarixdə Bəyimli kənd sakinləri üçün səyyar qəbul keçirib
Ağsu Rayon İcra Hakimiyyətinin başçısı Rövşən Bağırov hüquq-mühafizə orqanlarının, əlaqədar idarə və təşkilat rəhbərlərinin iştirakı ilə 07 avqust 2024-cü il tarixdə Çiyni kənd klubunda Bəyimli kənd sakinləri üçün səyyar qəbul keçirib.
Səyyar qəbulda vətəndaşlar tərəfindən kənd daxili avtomobil yolunun təmiri, kəndin girişində sakinlər üçün dayanacağın quraşdırılması, içməli və suvarma suyu, internet, təbii qaz ilə təchizatın yaxşılaşdırılması, bir sıra sakinlərin mənzil və işlə təminatı, ünvanlı dövlət sosial yardımının verilməsi ilə bağlı xahiş və təkliflər səsləndirilib, həmçinin digər yerli əhəmiyyətli məsələlərin həlli qaldırılıb.
Vətəndaşların müraciətlərinin bir qismi yerində həll olunub, bəzilərinin həlli nəzarətə götürülüb və onların icrası ilə bağlı rayon icra hakimiyyəti başçısı tərəfindən aidiyyəti vəzifəli şəxslərə müvafiq tapşırıqlar verilib.
