Ağsu rayonunda “Yaşıl dünya naminə həmrəylik ili” çərçivəsində növbəti ağacəkmə aksiyaları keçirilib
22 oktyabr 2024 | 18:11
Ağsu rayonunda müxtəlif yol kənarı ərazilərində “Yaşıl dünya naminə həmrəylik ili” çərçivəsində ağacəkmə aksiyaları davam etdirilir.
Tədbirlərdə rayon rəhbərliyi, rayonun hüquq-mühafizə orqanlarının rəhbərləri, idarə, təşkilat və müəssisə kollektivləri iştirak edib. Ağacəkmə aksiyalarında rayon sakinləri fəallıq göstəriblər.
Ağacəkmə aksiyaları zamanı yeni əkilən ağaclara aqrotexniki qulluq göstərilməsi və onların qorunması ilə bağlı təşkilati və texniki tədbirlər görülüb.
Qeyd edək ki, Ağsu rayonunda “Yaşıl dünya naminə həmrəylik ili” çərçivəsində ümumilikdə, 11 min ədəd ağac əkilməsi nəzərdə tutulur.
Keçidlər
