Ağsu rayonunda Aqrar Biznes Festivalı keçirilib
Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə Ağsu rayonunda Aqrar Biznes Festivalı keçirilib.
Tədbirdə Aqrar İnnovasiya Mərkəzinin direktoru Anar Cəfərov, Ağsu RİH başçısının müavini Elçin Məmmədov, sahibkar və fermerlər iştirak ediblər.
Aqrar Biznes Festivalında kənd təsərrüfatına dair müxtəlif məhsul və avadanlıqlar sərgilənib. Tədbirdə iştirak edən dövlət qurumları və özəl şirkətlər fəaliyyət istiqamətlərinə uyğun olaraq öz xidmətləri barədə iştirakçılara məlumat verərək, məhsullarını təklif ediblər. Müzakirələrdə ölkədə fəaliyyət göstərən yerli özəl şirkətlərin mütəxəssisləri öz təcrübələrini bölüşüb, regionun kənd təsərrüfatının prioritet istiqamətləri ətrafında fikir mübadiləsi aparıblar.
Tədbir çərçivəsində sahibkar və fermerlər üçün kredit yarmarkası da təşkil olunub. Kredit yarmarkasında müxtəlif kredit məhsulları təklif olunub və informasiya materialları təqdim edilib.
