Ağsu rayon İcra Hakimiyyətinin başçısı Rövşən Bağırov Çaparlı kəndindən olan şəhidlərin məzarlarını ziyarət edib
08 dekabr 2022-ci il tarixdə Ağsu rayon İcra Hakimiyyətinin başçısı Rövşən Bağırov Çaparlı kəndindən olan şəhidlərin məzarlarını ziyarət edib və şəhid ailələri ilə görüşərək onları dinləyib.
Tədbirdə rayon icra hakimiyyətinin, Səfərbərlik və Hərbi Xidmətə Çağırış üzrə Dövlət Xidməti rayon şöbəsinin nümayəndələri, rayonun rəhbər vəzifəli şəxsləri, kənd sakinləri və şəhidlərin yaxınları iştirak ediblər.
Mərasim iştirakçıları tərəfindən Qarabağ müharibəsi və 44 günlük Vətən müharibəsi şəhidlərinin məzarı üstünə gül-çiçəklər qoyulub və onların ruhuna dualar oxunub.
Ağsu RİH-nin başçısı Rövşən Bağırov çıxış edərək Çaparlı kəndindən olan şəhidlərin şərəfli ömür yolundan danışıb, Prezident, Ali Baş Komandan cənab İlham Əliyevin rəhbərliyi ilə 44 günlük Vətən müharibəsində qazanılan tarixi Qələbədən bəhs edib, şəhidlərimizin qanının yerdə qalmadığı vurğulayıb.
Tədbirdə şəhid ailələri dövlət tərəfindən onlara göstərilən diqqət və qayğıya görə ölkə başçısına minnətdarlıqlarını bildiriblər.
