Ağsu Rayon İcra Hakimiyyətinin başçısı növbəti səyyar qəbulunu Qaraqoyunlu kəndində keçirib
Ağsu Rayon İcra Hakimiyyətinin başçısı Rövşən Bağırov hüquq mühafizə orqanlarının, əlaqədar idarə və təşkilat rəhbərlərinin iştirakı ilə Qaraqoyunlu kəndində növbəti səyyar qəbul keçirib.
Qəbulda vətəndaşlar tərəfindən Ağsu-Kürdəmir avtomobil yolundan kəndin daxilinə kimi 4,5 km yolun əsaslı təmir olunması, Qaraqoyunlu kənd inzibati ərazi dairəsinə daxil olan kəndlərin elektrik enerjisi, içməli su ilə təchizatının, eləcə də əkin sahələrinin suvarma suyu ilə təminatının yaxşılaşdırılması, İxıçı kənd tam orta məktəbi üçün yeni binanın tikilməsi, telefon rabitəsi və internetlə təminat ilə bağlı xahiş və təkliflər səsləndirilib, həmçinin bir sıra digər yerli əhəmiyyətli məsələlərin həlli qaldırılıb.
Vətəndaşların müracətləri nəzarətə götürülüb və onların həlli ilə bağlı rayon icra hakimiyyəti başçısı tərəfindən aidiyyəti vəzifəli şəxslərə müvafiq tapşırıqlar verilib.
