Ağsu Rayon İcra Hakimiyyətinin başçısı Çiyni kəndində vətəndaşların səyyar qəbulunu keçirib
02 mart 2022 | 11:00
Ağsu Rayon İcra Hakimiyyətinin başçısı Rövşən Bağırov hüquq mühafizə orqanlarının, əlaqədar idarə və təşkilat rəhbərlərinin iştirakı ilə Çiyni kəndində vətəndaşları qəbul edib.
Görüşdə vətəndaşlar tərəfindən maddi yardım, işlə təmin edilmək, əkin sahələrinin və mal-qaranın su ilə təminatının yaxşılaşdırılması məqsədilə kənd ərazisində mövcud olan su tutarının təmizlənməsi, fərdi yaşayış evinin bərpasına köməklik göstərilməsi ilə bağlı xahiş və təkliflər səsləndirilib, həmçinin bir sıra digər yerli əhəmiyyətli məsələlərin həlli qaldırılıb.
Qeyd olunan müracətlər nəzarətə götürülüb və onların həlli ilə bağlı rayon icra hakimiyyəti başçısı tərəfindən aidiyyəti vəzifəli şəxslərə müvafiq tapşırıqlar verilib.
Keçidlər
