Ağsu rayonunda Şimal-qərb turizim koridoru-kommersiya obyektlərinin inkişaf konseptinə uyğun tikinti-quraşdırma işləri həyata keçirilir

Respublika ərazisində turizmin inkişafı ilə bağlı ölkə başçısının tapşırıqlarının yerinə yetirilməsi məqsədi ilə iri layihələr həyata keçirilir. Son illərdə xarici və yerli turistlərin istirahətinin təmin edilməsi üçün dövlət layihələri ilə yanaşı sahibkarlar tərəfindən də kafe-restoran, çayxana və s. tipli iaşə obyektləri tikilib istifadəyə verilmişdir. Belə obyektlərdən bəziləri Azərbaycan Respublikası Ekologiya və Təbii Sərvətlər Nazirliyi  ilə müqavilə bağlanılmadan, meşə ərazisində, yolun mühafizə zolağı gözlənilmədən, Tikinti Norma və Qaydaları nəzərə alınmadan zövqsüz memarlıq görnüşünə malik olan obyektlərdir. Bu obyektlərdən bir qismi Muğanlı-İsmayıllı yolunun və Bakı-Şamaxı-Yevlax magistral avtomobil yolunun “Ağsu dolayları” kimi tanınan rayon ərazisinə aid olan hissələrində, yol kənarlarında yerləşir.
  Bu günlərdə Azərbaycan Respublikası Ekologiya və Təbii Sərvətlər Nazirliyinin əməkdaşlarından, memarlar və adiyyatı qurumların nümayəndələrindən ibarət komissiya üzvləri tərəfindən həmin obyektlərə vizual baxış keçirilmişdir. Fasad hissəsi zövqsüz, sanitar-gigeynik normalara cavab verməyən tikililər sökülərək əvəzində sahibkarlara peşəkar memarlar tərəfindən hazırlanmış ən yüksək standartlara cavab verən layihələr təqdim edilmişdir. Sahibkarlar Şimal-qərb turizim koridoru-kommersiya obyektlərinin inkişaf konseptinə uyğun olaraq keyfiyyətli və baxımlı inşaat materiallarından istifadə etməklə tikinti-quraşdırma işlərini həyata keçirirlər. Həmçinin, Ekologiya və Təbii Sərvətlər Nazirliyi ilə sahibkarlar arasında obyektlərin yerləşdiyi torpaq sahəsindən istifadəyə görə müqavilə bağlanacaqdır.
  Yolların kənarında köhnə, istismar dövrünü başa vurmuş, baxımsız tikililərin sökülərək yerində yeni layihələr əsasında aparılan tikinti və yenidənqurma işlərini həm sahibkarlar, həm də Ağsu rayon sakinləri minnətdarlıqla qarşılayırlar. Əminik ki, həmişə füsunkar təbiəti ilə bəyənilmiş Ağsu dolaylarında və Muğanlı-İsmayıllı magistral avtomobil yolunun rayon ərazisindən keçən hissələrində yolkənarı inşa olunacaq yeni istirahət və turizim mərkəzləri ağsuluların, eləcə də rayonumuza turist kimi gələn qonaqların ürəyincə olacaqdır.