Ağsu rayonunda ehtiyacı olan ailələrə ərzaq yardımları paylanılıb
Ölkə Prezidenti cənab İlham Əliyevin “BİZ BİRLİKDƏ GÜCLÜYÜK!” şüarına dəstək olaraq Ağsu Rayon İcra Hakimiyyətinin təşəbbüsü və təşkilatçılığı ilə rayonda ehtiyacı olan ailələrə ərzaq yardımları paylanılıb.
Rayon İcra Hakimiyyəti Başçısı Aparatının məsul işçiləri, könüllülər, inzibati ərazi dairəsi üzrə icra nümayəndələri, bələdiyyə üzvləri, ayrı-ayrı sahibkarlar, o cümlədən rayonun hüquq-mühafizə orqanlarının əməkdaşları, eləcə də digər vəzifəli şəxslər və xeyirxah vətəndaşların qoşulduğu “BİZ BİRLİKDƏ GÜCLÜYÜK” adlı kampaniya çərçivəsində rayon mərkəzində və kəndlərdə ehtiyacı olan bir sıra ailələrin evinə yardım payları çatdırılıb.
Ərzaq yardımı alan vətəndaşlar xüsusi karantin rejimi günlərində onlara göstərilən köməyə görə dövlətimizin başçısına, həmçinin aksiyanın təşkilatçılarına minnətdarlıqlarını bildiriblər.
