Ağsuda Ulu Öndər Heydər Əliyevin xatirəsi dərin hörmət və ehtiramla anıldı
Ağsu rayon rəhbərliyi, idarə və təşkilat, təhsil müəssisələrinin, veteran və gənclər təşkilatının, din xadimlərinin, rayon ictimaiyyətinin nümayəndələrinin və KİV nümayəndələrinin iştirakı ilə Ulu öndər Heyər Əliyevin vəfatının 11-ci ildönümü ilə əlaqədar anım mərasimi keçiridi.
Tədbirdən öncə rayon ictimaiyyətinin nümayəndələri «Heydər Parkı»nda ümummilli liderimizin abidəsini ziyarət edərək sbidənin önünə əkilil qoyulub tər çiçəklər düzməklə Ulu öndərə hörmət və ehtiram bildirdilər.
Bundan sonra rayon fəallarının, o cümlədən ağsaqqalların, gənclərin və ziyalıların iştirakı ilə Heydər Əliyev Mərkəzində ulu öndərin vəfatının ildönümünə həsr olunan toplantı keçirildi. Toplantı iştirakçıları Mərkəzdə Ulu öndərin büstü önünə çiçəklər düzdülər, məktəblilər dahi rəhbərə həsr olunan şeirlər söylədilər.
Toplantıda “Azərbaycanın özü qədər əbədi və həmişəyaşar liderimiz” mövzusunda məruzə dinlənildi. Habelə, insanlar dahi rəhbər Heydər Əliyevin 1978-ci il sentyabrın 29-da və 1981-ci il iyulun 30-da Ağsu rayonuna səfərləri ilə əlaqədar xatirələrini danışdılar. Istər məruzədə, istərsə də danışılan xatirələrdə bu dahi insanın öz vətəni, doğma xalqı qarşısında gördüyü misilsiz xidmətlərdən geniş bəhs olundu. Ötən əsrin 90-cı illərində erməni təcavüzünə məruz qalan, vətəndaş müharibəsi həddində olan Azərbaycanı xilas edərək müstəqillik yoluna çıxarmaqla, güclü bir dövlət üçün möhkəm bünövrə yaratmaq kimi böyük bir tarixi missiyanı yerinə yetirmək qüdrətinə malik olan bu dahi şəxsiyyət misilsiz xidmətləri ilə xalqın qəlbində özünə həmişəyaşar istək, sevgi yaradıb, əbədi bir heykəl ucaldıb.
Azərbaycanın qazandığı böyük uğurlar, əlbəttə, Heydər Əliyev dühasının bəhrəsidir. Heydər Əliyev Azərbaycan salnaməsində təkrarolunmaz rəhbər, qüdrətli dövlət başçısı, fədakar insan, əfsanəvi şəxsiyyət, Ulu öndər, Ümummilli Lider, müstəqil Azərbaycanın qurucusu, xalqının sevimli övladı kimi qalacaqdır.
Bütün bunlar barədə danışan muruzəçi və digər natiqlər bu gün ölkənin, Ulu önədrin siyasi kursunun layiqli davamçısı, Prezident İlham Əliyevin rəhbərliyi ilə daha işıqlı gələcəyə doğru inamla getdiyini iftixarla vurğuladılar.
