Ümummilli lider Heydər Əliyevin anım günü ilə əlaqədar rayon məktəbliləri arasında “Xalqımızı Heydər Əliyev qədər sevək” mövzusunda keçirilmiş inşa müsabiqəsinin qalibləri mükafatlandırılıblar
Azərbaycan Respublikasının Prezidenti yanında Bilik Fondu Ağsu Bilik Evinin təşkilatçılığı ilə 3 saylı tam orta məktəbdə Ümummilli lider Heydər Əliyevin anım günü ilə əlaqədar rayon məktəbliləri arasında “Xalqımızı Heydər Əliyev qədər sevək” mövzusunda keçirilmiş inşa müsabiqəsinin qalibləri mükafatlandırılıblar.
Tədbiri Ağsu rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin baş məsləhətçisi Kənan Tacızadə açaraq, belə müsabiqələrin məktəblilərə vətənpərvərlik ruhunun aşılanmasına təkan verdiyini bildirib.
Ağsu Bilik Evinin müdiri Reyhanə Tacızadə şagirdlərin müsabiqədə böyük həvəslə iştirak etdiklərini, Ulu öndərin şərəfli həyat yolu ilə bağlı bir-birindən maraqlı inşalar yazdıqlarını vurğulayıb.
Müsabiqənin nəticələrinə görə I yerə Ağsu şəhər 1 nömrəli məktəb-liseyin şagirdi Səbinə Kazımlı, II yerə şəhər 2 nömrəli tam orta məktəbin şagirdi Leyla Fətullazadə, III yerə Bico kənd tam orta məktəbinin şagirdi Ayan Babaşova və Ləngəbiz kənd tam orta məktəbinin şagirdi Nəzrin Cəbiyeva layiq görülüblər.
Qaliblərə diplom və hədiyyələri Bilik Fondunun Ölkədaxili layihələr sektorunun baş məsləhətçisi Nüşabə Hüseynova və Ağsu Bilik Evinin müdiri Reyhanə Tacızadə təqdim ediblər.
