Ağsu rayonunda “Narkomaniya-gələcəyimiz üçün böyük təhlükə” mövzusunda silsilə tədbirlərə başlanılıb.

Ağsu  Rayon  İcra  Hakimiyyəti  və  Ağsu  Rayon  Gənclər  və  İdman  İdarəsinin  təşkilatçılığı  ilə  rayonun  Təhsil  şöbəsi  və  hüquq-mühafizə  orqanları  əməkdaşlarının  iştirakı  ilə  orta  ümumtəhsil məktəblərində  “Narkomaniya-gələcəyimiz  üçün böyük  təhlükə” mövzusunda  seminarlar  keçirilir.
Tədbir çərçivəsində ilk seminarlar 22-25 aprel 2014-cü il tarixlərdə rayonun  1  və  2  sayı şəhər, Pirhəsənli, Növcü  və  Çiyni  kənd  tam  orta  məktəblərində keçirilib.
Tədbirlərdə  Ağsu  Rayon  İcra  Hakimiyyəti yanında  “Narkomanlıga  və  narkotik  vasitələrin qanunsuz dövriyyəsinə qarşı mübarizə üzrə komissiya”nın üzvləri, RİH-nin hüquq şöbəsi, Ağsu Rayon  Gənclər və  İdman  İdarəsi və hüquq-mühafizə  orqanlarının əməkdaşları iştirak etmişlər.
Tədbirlərdə  çıxış  edənlər müasir dövrdə cəmiyyəti düşündürən və narahat edən ən ürək ağrıdan problemlərdən biri olan bəşəriyyətin ciddi bəlasına çevrilən narkomanıyanın
törətdiyi  fəsadlardan,  onun  insanların   sağlamlığına vurduğu  müxtəlif  dərəcəli  ziyanlar barədə geniş  məlumat  vermişlər.
Qeyd  olunmuşdur  ki,  insan orqanizminə, sağlamlığına, mənəviyyatına ən sağalmaz zərbələr  vuran, ən pis vərdiş kimi  qəbul  edilən  narkomanlıq və narkotiklərə  aludəçilik  qədimdə  də,  müasir  dövrümüzdə də  ən  xoşagəlməz  vərdiş  kimi  qəbul  edilmişdir.
Bu pis vərdiş barədə elm aləmində ilk dəfə XVIII əsrin əvvəllərində məlumat verilmişdir. XX  əsrin  sonunda  isə  narkomaniya  bəşəriyyətin  bəlasına  çevrilərək  çox  böyük çətinliklə qarşısı alınan, xeyli miqlarda pul vəsaiti bahasına başa gələn son dərəcə pis bir amil olmaqla yanaşı, bir tərəfdən də narkobiznesmenlərin narkotiklərin qanunsuz dövriyyəsindən qazanc əldə etməsi üçün bir vasitəyə çevrilmişdir.
Bu problemin ictimai təhlükəli olması isə ondan ibarətdir ki, bu cinayət  həmişə  gizli  şəraitdə  baş  verir,  nəzarətdən  kənarda  qalır  və  günü-gündən artır. Narkomaniyanın Azərbaycanda qarşısının alınması üçün ilk növbədə vacib olan tədbirlərdən biri, ölkədə qeyri-qanuni yolla dövriyyədə olan narkotikalərə nəzarət və narkomanların  təqribidə  olsa  qeydiyyata  alınmasıdır.
Son zamanlar Respublikamızda narkomaniyaya qarşı mübarizədə hüquq muhafizə orqanları ilə yanaşı, digər təşkilatlarda bir sıra işlər görür. Təşkilatlar insanlar arasında maarifləndirmə işləri vasitəsilə onları narkotik vasitələrdən uzaq olmağa çağırırlar.
Azərbaycan Respublikasının Ümummilli Lideri Heydər Əliyev Narkomanlığa və narkotik vəsitələrin qanunsuz dövriyyəsinə qarşı mübarizəni ümumdövlət vəzifəsi hesab edərək, 1996-cı il avqustun 26-da müvafiq fərman imzalamış və bu problemin həll edilməsi üçün görülən  işlər  kefiyyət  baxımından  yeni  mərhələyə  qədəm  qoymuşdur.
Bu fərman əsasında ölkəmizdə 2000-ci ilədək narkomanlığın yayılmasına, narkotik vasitələrin və psixotrop maddələrin qanunsuz dövriyyəsinə qarşı mübarizə üzrə Ümummilli Proqram hazırlanmış, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası yaradılmış, 18 iyun 1999-cu ildə isə Milli Məclis tərəfindən «Narkotik vasitələrin, psixotrop maddələrin qanunsuz dövriyyəsinə qarşı mübarizə haqqında»Azərbaycan Respublikası Qanunu qəbul olunmuşdur. Bu Qanunun başlıca əhəmiyyəti ondan ibarətdir ki, Azərbaycanda narkotik tərkibli bitkilərin kultivasiyası, narkotik vasitələrin və psixotrop maddələrin istehsalı, dərman preparatlarının və xammalın hazırlanması qanunla qadağan edilmişdir.
Amma çox təəssüf ki, Respublikamızda narkomaniyaya qarşı mübarizə gündən–günə artsada, narkomanların sayı da bu mübarizə ilə bərabər artır. Ən pisi də budur ki, narkotik vasitə  istifadəçilərinin  ən  çoxunu  gənclər  təşkil  edir.  Və  buda  çox pis nəticədir, çünki hər bir xalqın, millətin özəyini onun gəncləri təşkil edir və xalqın inkişafında  da  gənclərin  rolu  mühüm  əhəmiyyət  kəsb  edir.
Narkotik vasitələrdən istifadə ailələrin dağılmasına, cinayətkarlığın artmasına, cəmiyətdə ən böyük bəlalardan olan, QİÇS xəstəliyinə gətirib çıxarır. Narkotik vasitələr insanlarda asılılıq yaratdığı üçün narkotikin vaxtı çatıqda o mütləq qəbul edilməlidir. Narkomanın  isə  narkotik  vasitənii  almağa pulu olmadıqda o, hər cür vasitəyə, yəni, oğurluğa,  adam  öldürməyə  və  digər  cinayətlərə  əl  ata  bilər.
Narkomaniya ilə mübarizə nəinki dövlətin, həmçinin bu dövlətdə yaşayan hər bir fərdin borcudur. Çünki  bu elə bir bəladır ki, hər bir fərdin özünün və yaxudda özünə yaxın olan  bir  insanın  başına  gözlənilmədən  gələ  bilər.
Tədbirlərdə, həmçinin gəncliyin sağlam əsaslar üzərində böyüməsinin, narkomaniyaya qarşı mübarizədə məktəbin ailə ilə birgə çalışmasının  vacibliyi, narkomaniyaya aludəçiliyin qarşısının alınması işində təkcə dövlətin deyil, eləcə də cəmiyyət və bütün sosial institutların öz töhfələrini verməli  olduqları vurğuladı.  
Tədbirlərin  sonunda  məktəblilərə narkomaniyanın  törətdiyi  dəhşətli  fəsadlardan bəhs  edən  video rolik nümayiş olunmuşdur.