Ağsuda 2014-cü ilin birinci rübünün yekunlarına həsr olunmuş hesabat yığıncağı keçirilmişdir

     Aprel ayının 19-da rayon icra hakimiyyətində Azərbaycan Respublikasının Prezidenti cənab İlham Əliyevin sədrliyi ilə Nazirlər Kabinetinin 2014-cü ilin birinci rübünün sosial-iqtisadi inkişafının yekunlarına həsr olunmuş iclası ilə əlaqədar həmin dövrdə Ağsu rayonunda görülmüş işlər və qarşıda duran vəzifələrə dair hesabat yığıncağı keçirilmişdir.

Hesabat yığıncağına rayon icra hakimiyyəti başçısı yanında şuranın üzvləri, şəhər və kənd inzibati ərazi nümayəndələri, idarə, müəssisə və təşkilat rəhbərləri, iş adamları dəvət olunmuşdular.
Rayon icra hakimiyyətinin başçısı cənab Ənvər  Seyidəliyev hesabat yığıncağını açaraq
qeyd olunan müddətdə istər respublika, istərsə də rayon miqyasında əldə olunan uğurlardan və qarşıda duran vəzifələrdən danışmışdır.
Sonra rayon İcra Hakimiyyəti başçısının müavini, Sosial-iqtisadi inkişafın təhlili və  proqnozlaşdırılması  şöbəsinin  müdiri İqbal  Mikayılov, Azərbaycan  Respublikasının  Prezidenti cənab İlham Əliyev sədrliyi ilə Nazirlər Kabinetinin 2014-cü ilin birinci rübünün sosial-iqtisadi inkişafının yekunlarına həsr olunmuş iclası ilə əlaqədar ilin birinci rübündə Ağsu rayonunda görülmüş işlər və qarşıda duran vəzifələr ilə bağlı geniş hesabat məruzəsi etmişdir.
Hesabat məruzəsi ətrafında Ağsu rayonu üzrə Maliyyə İdarəsinin rəisi Vaqif Hüseynov, rayon təhsil şöbəsinin müdiri Tahir Xasi, Su-Kanal  idarəsinin rəisi Cəmil Hüseynov və Mərkəzi Xəstəxananın  baş  həkiminin  Əli  Hüseynov  müavini  çıxış etmişlər.
Hesabat  məruzəsində qeyd edilmişdir ki, son  illər  Ağsu  rayonunda  da  nəzərəçarpacaq  işlər  görülmüş,  əhalinin  həyat  səviyyəsi  yüksəlmiş,  iqtisadiyyatın  ayrı-ayrı  sahələrində  inkişafa  nail  olunmuşdur.
“Azərbaycan  Respublikası  regionlarının  sosial-iqtisadi  inkişafını təmin  edən  iki  Dövlət  Proqramı  ( 2004-2008  və  2009-2013-cü  illər )”   uğurla  başa  çatdırılmışdır.  Bu  müddətdə  yeni  iş  yerlərinin  açılması,  tikinti,  quruculuq  və  abadlıq  işləri  diqqət  mərkəzində  saxlanılmış,  sosial  problemlərin  həllinə  qayğı  göstərilmişdir.  Yollar  küçə  və  meydanlar  asfaltlaşdırılmış  və  abadlaşdırılmışdır. Yeni müəssisələr, çoxsaylı  sahibkarlıq  obyektləri  yaradılaraq  fəaliyyətə  başlamış,  nəticədə  yeni  iş  yerləri açılaraq  əhalinin  məşğulluğu  təmin  edilmişdir.
Əhalinin  və  iqtisadiyyatın  bütün  sahələrinin  elektrik  enerjisi  və  təbii  qaz  təminatının  yaxşılaşdırılması,  nəqliyyat  infrastrukturunun  tikintisi  və  əsaslı  təmiri    istiqamətində  bir  sıra  işlər  görülmüş,  bu  istiqamətdə  müvafiq   tədbirlər  davam  etdirilir.
Rayon İcra Hakimiyyəti başçısının müavini,  Sosial-iqtisadi  inkişafın  təhlili  və  proqnozlaşdırılması  şöbəsinin  müdiri İqbal  Mikayılov bildirmişdir  ki, 2014-cü  ilin  I  rübüdə  də  rayonun  sosial - iqtisadi  inkişafı   uğurlu  olmuşdur.
Belə  ki, kənd  təsərrüfatı  məhsul¬la¬rının  istehsalının  və  emalı¬nın  inkişafı, əhalinin ərzaq məhsulları ilə təminatının yaxşılaşdırılması məqsədi ilə kənd təsərrüfatının ayrı-ayrı sahələrinin inkişaf etdirilməsi diqqət mərkəzində  saxlanılıb. 2014-cü ilin məhsulu üçün 36708 ha sahədə payızlıq taxıl əkilmişdir ki, bundan da 17869 ha buğda, 18839 ha  arpa əkini təşkil edir.
”Aqrolizinq”  yolu  ilə  fermerlərə  və  ailə-kəndli  təsərrüfatlarına  352,8  ton   azot  fosfor  gübrəsi  satılmışdır.  Yazlıq  bitkilərin  əkin  kompaniyasına  başlanılıb, 01.04.2014-cü il  vəziyyətinə  rayonda  617,4  ha  sahədə  əkin  aparılıb.
Ötən  ilin  müvafiq  dövrü  ilə  müqayisədə  mal-qaranın sayı  və  heyvandarlıq  məhsulları  istehsalı  artmışdır.  01.01.2014-cü  il  vəziyyətinə  iri  buynuzlu  mal – qaranın  baş  sayı  40621, qoyun-keçilərin  baş  sayı 159666 olmuşdur. Bu da nəticə etibarı  ilə  heyvandarlıq  məhsullarının  artımına  müsbət  təsir  göstərmiş, 1169  ton   ət (diri çəkidə), 6731 ton süd, 2637  min ədəd  ədəd  yumurta  istehsal  edilmişdir.
2014-cü ilin  I  rbündə  də  sahibkarlığın  inkişafı  dəstəklənmiş, Ağsu  şəhərində,  eləcə də  kəndlərdə onlarla  ticarət,  iaşə,  məişət  və  servis  xidməti  obyektləri,  plastik  qapı-pəncərə hazırlayan sexlər, həmçinin digər xidmət və istehsal obyektləri,  Səfərbərlik  və  Hərbi   Xidmətə Çağırış  üzrə  Dövlət  Xidmətinin  Ağsu  rayon  şöbəsi   üçün  inzibati  bina  tikilib  istifadəyə  verilmiş,  abadlıq-quruculuq  işləri,  ətraf  mühitin  mühafizəsi  və  ekoloji  sabitliyin   təmin  olunması  istiqamətində  tədbirlər  davam  etdirilir.
Ümumiyyətlə,  2014-cü  ilin I  rübündə   rayonda  fəaliyyətə  başlayan  yeni  və  bərpa  edilmiş  müəssisələrdə,  aparılan  abadlıq-quruculuq  işlərində  və  digər  mövsümi  işlərdə  118  nəfər  işlə  təmin  olunmuşdur  ki,  onlardan  87-si  də daimi  işlə  təmin  olunanlardır.
Hesabat  rübündə  rayonun  ümumi  məhsul  buraxılışının  həcmi   32  milyon  305 min  manat,  adambaşına  düşən  ümumi  məhsul  buraxılışı   429  manat  olmuşdur  ki,  bu  da  ötən  ilin  müvafiq  dövrü  ilə  müqayisədə  uyğun  olaraq  1 milyon  335,6 min manat  və  ya  4,3  faiz  və  12  manat  və  ya  2,9  faiz  çoxdur.
Ümumi  məhsul  buraxılışında  sənaye  məhsulunun  həcmi  ötən  ilin  müvafiq  dövrü  ilə  müqayisədə  20,1 faiz  və  ya  247,3  min  manat  artaraq  1475,7  min  manat,  sənaye  məhsulunun  qeyri  dövlət  bölməsində  həcmi  isə  27,4  faiz  və  ya  208,6  min  manat  artaraq  969,0  min  manat  olmaqla, sənaye  məhsullarının   istehsalında   qeyri-dövlət   sektorunun   xüsusi   çəkisi   65,7  faiz  təşkil  edib.  Hesabat  dövründə  pərakəndə  əmtəə  dövriyyəsi  ötən  ilin  müvafiq  dövrü  ilə  müqayisədə      2,6  faiz və  yaxud  611,3  min  manat  çox  olmaqla  adambaşına  düşən  əmtəə  dövriyyəsi  317,5   manat  olmuşdur.
Tikinti-quraşdırma  işlərinin  həcmi  13940,9  min  manat,  əsas  kapitala  yönəldilən  investisiyalar   13997,1  min  manat  olmuşdur.  Ötən  ilin  müvafiq  dövrü  ilə  müqayisədə  tikinti-quraşdırma  işlərinin  həcmi və  əsas  kapitala  yönəldilən   investisiyaların   məbləği  1,6  faiz  artmışdır.
         Əhaliyə  göstərilən  pullu  xidmətlər  ötən  ilin  müvafiq  dövrünün  səviyyəsinin  201,1  min  manat  ötərək  4228,0  min  manat  olmuşdur.  Xüsusi  mülkiyyətin  genişləndirilməsi,  sahibkarlığın  sürətli  inkişafı  və  əhalinin  sosial  müdafiəsinin  gücləndirilməsi  tədbirləri  nəticəsində  hesabat  rübündə  orta  aylıq  əmək  haqqı   ötən  ilin  müvafiq  dövrü  ilə  müqayisədə  16,4  manat  və  ya  6,8  faiz  artaraq  258,9  manat  olmuşdur.
2014-cü ilin birinci rübü ərzində Ağsu rayonunda Sahibkarlığa Kömək Milli Fondunun xətti ilə 22 sahibkara 190,0 min manat güzəştli kredit verilib. Bu  kreditlər hesabına  30  yeni  iş  yerinin  yaradılması  nəzərdə  tutulur.
Ümumiyyətlə,  son  10  ildə və 2014-cü  ilin   birinci   rübündə   ümumilikdə   Ağsu  rayonunda Sahibkarlığa Kömək Milli Fondunun xətti ilə 1161 yeni iş yerinin    yaradılması nəzərdə tutulan 434 investisiya layihələri maliyyələşdirilib, sahibkarlara  5041,7  min  manat  güzəştli  kredit  verilib.
Hesabat  rübündə faydalı  sərfiyyat  73,05  faiz    və  ya 10  milyon 835  min  kilovat-saat olmaqla 14 milyon 833 min kilovat-saat elektrik  enerjisi ötürülüb. Faydalı  sərfiyyatın  dəyəri  650,1  min  manat,  istehlakçı  qruplar  tərəfindən  ödənilən  vəsaitin  məbləği  613,2  min  manat,  şəbəkə  üzrə  yığım  səviyyəsi   94,33  faiz  təşkil  edib  ki,  bu  da  ötən  ilin  müvafiq  dövrü  ilə  müqayisədə   3,89  faiz  çoxdur.
Bu  dövrdə əhali  qrupu  abonentləri  tərəfindən  6 milyon  641  min  kilovat-saat və  ya  393,8  min  manat  dəyərində  elektrik  enerjisi  istehlak  olunub, istehlak  olunan  elektrik  enerjisinin dəyərinin  91,6  faizinin  və  ya  360,9  min  manatının  ödənilməsi  təmin  edilib. Bu  da  ötən  ilin  müvafiq  dövrü  ilə  müqayisədə  2,9  faiz çoxdur.
Cari  ilin  I  rübündə  34  halda  elektrik  enerjisindən  istifadə  qaydalarının pozulması faktı aşkarlanaraq 4,8 min manat dəyərində 79,4 min kilovat-saat  elektrik  enerjisi  bərpa  olunub.   
10  kv-luq  EVX-də  0,4  km   məsafədə  əsaslı, 1,3 km məsafədə  cari,  04 kv-luq  EVX-də  4,7 km məsafədə  əsaslı,  5,0 km məsafədə  cari  təmir  işləri  aparılıb,  Ümumi  gücü 2200 kv A  olan 17 ədəd 10/04 kv-luq transformator   yarımstansiyası  cari   təmir  olunub,  Növcü kəndində 1  ədəd  40 kv A, Bico  kəndində  1  ədəd   250 kv A  gücündə  istifadəyə  yararsız  transformator yarımstansiyası  ehtiyatda  olan  işlək  transformator  yarımstansiyası  ilə əvəz  edilib.
26 ədəd 1- fazlı qüsurlu sayğac yenisi ilə əvəz edilib, 46 ədəd  1- fazlı,  17 ədəd  3-fazlı  elektron sayğac quraşdırılıb. 
Bunlarla  yanaşı  elektrik  enerjisinin  verilişində  lüzumsuz  fasilələrin  aradan  qaldırılması,  elektrik  enerjisinin  paylaşdırılması,  istehlak  olunan  elektrik  enerjisinin  dəyərinin  ödənilməsinin  təşkili,  əhalinin,  eləcə  də  müəssisə  və  obyektlərin  artımı  ilə  əlaqədar  şəbəkəyə  qoşulmaların  texniki normalara uyğunlaşdırılması, ayrı-ayrı  yaşayış  məntəqələrinə  verilən  enerjinin  dəqiq  uçotunun  aparılması,  itkilərin  müəyyən  edilməsi sahəsində Elektrik Şəbəkəsinin fəaliyyətində nöqsanlar qalmaqda  davam  edir.
Rayon  ərazisində  sayğaclaşdırma işləri  başa  çatsa  da  aparılan  əsaslı  və  cari  təmir  işləri  rayonun  elektrik  təsərrüfatının  bütün  istiqamətlərini  əhatə  etmədiyindən  əhalinin,  eləcə  də  iqtisadiyyatın  elektrik  enerjisi  ilə  dayanıqlı  təminatı  problem  olaraq  qalır.
Son  illər  rayon  əhalisinin,  sahibkarlıq  obyektlərinin  idarə,  müəssisə  və  təşkilatların  təbii  qaz  tə¬mi¬natının bərpası və yenidən qurulması  istiqamətində  zəruri  tədbirlər  həyata  keçirilib.
Belə  ki,  qaz  infrastrukturunun  yenidən  qurulması  tədbirləri  çərçivəsində kənd  yaşayış  məntəqələrinin,  eləcə  də  qazlaşdırılmış  ərazilərdə   yeni  tikilmiş  mənzillərin  qazlaşdırılması  məqsədi  ilə  rayon  üzrə  ümumilikdə  570,0  min  p/m  qaz  kəməri  əsaslı  surətdə  yenidən  qurularaq  qazlaşdırılan  yaşayış  məntəqələrinin  sayı  6-dan  34-ə,  təbii  qazdan  istifadə  edən  əhalinin  sayı  23561-dən  43501-ə,  təbii  qazdan  istifadə  edən  əhali  abonentlərinin  sayı  4255-dən  8538-ə  çatdırılmışdır.
2014-cü  ilin  I  rübündə də  Ağsu rayonunun  yaşayış mən¬¬tə¬¬qə¬lə¬ri¬nin qaz tə¬mi¬natının bərpası və yenidən qurulması, qaz almayan kənd yaşayış məntəqələrinin qazlaşdırılması məqsədilə tikinti-quraşdırma işləri davam etdirilmişdir. Hesabat  dövründə  rayonun 146 fərdi mənzili əhatə edən Çaparlı və 75 fərdi mənzildən ibarət Qiyaslı kəndləri qaz açılışı üçün tam hazır vəziyyətə gətirilmişdir. İki kənddə 4200,0 metrdən artıq daşıyıcı, 18,0 min metrə yaxın yerüstü paylayıcı qaz kəmərinin çəkilişi başa çatdırılmış, hər bir mənzil İtron tipli qaz sayğacları ilə təmin edilmişdir.  Bundan başqa Ərəbmehdibəy, Xəlilli, Mustafalı və Qasımbəyli kəndlərində qazlaşdırma işləri paralel davam etdirilmişdir.
Cari  ilin  I  rübündə  Qaz  İstismar  Sahəsi  üzrə  7,5  milyon  kub  metr  təbii  qaz  qəbul  edilib,  ötən  ilin  müvafiq  dövrü  ilə  müqayisədə  3,7  faiz  çox  olmaqla  1,56  milyon  kub  metr  və  ya  20,08  faiz  itkiyə  yol  verilmişdir. Bütün  istehlakçı  qruplar üzrə  ümumilikdə  5,94  milyon  kub  metr  və  ya  594,0  min  manat  dəyərində  təbii  qaz istehlaka  verilmişdir  ki,  ondan:  5,6 milyon  kub  metri  əhali  qrupu, 0,34 milyon  kub  metri  isə  büdcədən  maliyyələşən  idarə-müəssisə,  ticarət-xidmət  və  məcburi  köçkün  abonentlərinə  satılmışdır.   İstehlaka  verilən  təbii  qazın  dəyərinin  yığılması   əhali  qrupu  istehlakçıları  tərəfindən  100  faiz,  və  qeyri  əhali  qrupu  istehlakçıları  tərəfindən  isə  88,2  faiz  təmin  edilməklə  590,0  min  manat  vəsait  toplanmış,  ümumi  yığım  səviyyəsi  99,3  faiz  olmuşdur.
  Bundan  başqa  hesabat  rübündə  əhali  qrupu  istehlakçılarından 17,0  min  manat  vaxtı  keçmiş  debitor  borcunun  yığılması  təmin  edilmişdir.
Bütün  bunlarla  bərabər  rayonun  təbii  qaz  almayan  kənd  yaşayış  məntəqələrinin  təbii  qaz  təminatının  yaradılması,  normadan  artıq  təbii qaz  itkisinə  səbəb  olan  amillərin  aradan  qaldırılması  təmin  edilməlidir.
  “Azərbaycan  Respublikasi  regionlarinin 2009-2013-cü  illərdə sosial-iqtisadi  inkişafi  Dövlət  Proqrami”na  əsasən  Dünya  Bankı  və  Azərbaycan  Hökuməti  ilə  birgə  maliyyələşdirilən  “Milli  Su  Təchizatı  və   Kanalizasiya  xidmətləri  üzrə   İkinci  Layihə”  çərçivəsində  Ağsu şəhərinin su təchiza¬tının yenidən qurulması və kanalizasiya sisteminin ya¬¬ra¬dılması istiqamətində 2012/2013-cü illərdə  işlərin  icrası  davam  etdirilib.  Layihə çərçivəsində Ağsu rayonunda 130,4 km su, 115,1 km kanalizasiya şəbəkəsi tikilib, 4552 ədəd evlərə birləşmə su və  kanalizasiya  şəbəkəsi üzərində  quraşdırılıb. 25,0 km uzunluqda olan magistral  su  xəttinin  23,8 km  hissəsi,  5,4 km  magistral  kanalizasiya  xəttinin 5,0 km hissəsi tikilib,  1500,0 m3 həcmində olan su anbarının  tikinti işləri başa  çatdırılıb. Lakin  şəbəkənin  tikintisi  Ağsu  şəhərinin  bütün  ərazisini  əhatə  etməmiş,  layihələndirmə  sənədləri  hazırlanarkən  yeni  salınan  yaşayış  massivləri  nəzərə  alınmamışdır. Hal-hazırda  tikinti  işləri  dayandırılmışdır.
          Layihənin  həyata  keçirilməsinə  başlanılmazdan  əvvəl  Ağsu  şəhərində  uzun  illər  əvvəl  qurulmuş içməli su  şəbəkəsi  vasitəsi  ilə  4500-ə  qarşı 2600  fərdi əhali abonentinin (şəhər  əhalisinin  təxminən  60  faizinin)  içməli  su  təminatı  ödənilib.  Lakin  su  təchiza¬tının yenidən qurulması  istiqamətində  işlərin  icrası  nəticəsində  yaranan  kəsişmələr  və  digər  səbəblərdən  hal-hazırda  böyük  çətinliklə  800  fərdi əhali abonentin  içməli  su  təminatını  ödəmək  mümkündür.
Bu  səbəbdən  də Su-Kanal  idarəsi  tərəfindən su  satışı,  istehlaka verilən  suyun  ödəniş  haqlarının  yığılması  və  digər  sahələrdə  proqnozlar göstəriciləri kəsirlə icra  olunur,  xidmətlərin  səviyyəsi  isə  əhalinin  haqlı  narazılığına  səbəb  olur.
Şəhər  və  şəhərətrafı  kənd  yaşayış  məntəqələrində əhalinin  içməli  su  təminatında  yaranmış  ciddi  problemin  aradan  qaldırılması  məqsədi  ilə   Ağsu  şəhərinin yenidən  qurulan  su təchiza¬tı  şəbəkəsində  ev  birləşmələrinin  sayğaclaşdırılması  istiqamətində  işlərin  icrasının  tezləşdirilməsi,  əhalinin içməli  su  təminatının  ödənilməsi  və  xidmətlərin  səviyyəsinin  yüksəldilməsi, eləcə  də  yeni  salınan  yaşayış  massivlərin  layihəyə  daxil  edilməsi  istiqamətində  zəruri  tədbirlər  həyata  keçirilməlidir.
Vurğulanmışdır  ki, Azərbaycan  dövlətinin  uğurlu iqtisadi  siyasəti  nəticəsində  bütün  sahələrdə  olduğu  kimi  informasiya-kommunikasiya  texnologiyalarının  inkişafını  təmin  etmiş  və  bu təminat  ölkənin  bütün  regionlarında  müasir dünya standartları səviyyəsinə çatdırılması  istiqamətində  zəruri  tədbirlər  həyata  keçirilib  və  keçirilir.
Hesabat  rübündə  şəhər  telefon  şəbəkəsi  üzrə  4000,  kənd  telefon  şəbəkəsi  üzrə isə  3484  montaj  tutumlu  EATS  istismar  olunub.   Şəhərdə  2934,  kəndlərdə 1929  və  SDMA  simsiz  rabitə  xidmətindən  73  abunəçinin  istifadəsi  təmin   edilib.
Rayon  üzrə  internet   xidmətindən  istifadə   edənlərin  sayı  1250 abonentə  çatdırılıb.
Rayonumuzda informasiya  və kommunikasiya  texnologiyaları  ilə yanaşı,  poçt  rabitəsi   sahəsi   sürətlə   inkişaf  edir.   Ağsu  Poçt  filialı  22  poçt  şöbəsi   vasitəsi  ilə rayonun   80  yaşayış  məntəqəsinin  əhalisinə,  müəssisə  və  təşkilatlara   poçt  xidməti  göstərir.
Filialın   poçt   şöbələrində  ənənəvi  xidmətlərlə  yanaşı,  qeyri-ənənəvi,  bank-maliyyə  xidmətlərinin  də  göstərilməsinə  başlanılmışdır.
Hesabat  dövründə  təsərrüfatların  suvarma  suyu  ilə təminatında ciddi problem  yaşanmayıb, cari  məsələlər vaxtlı-vaxtında  həlinin  tapmışdır.
Əhalinin həyat səviyyəsinin yüksəldilməsi və sosial müdafiəsinin gücləndirilməsi məqsədilə aparılan işlər hesabat  rübündə  də  diqqət mərkəzində  saxlanmışdır. Bu  müddətdə  Ağsu  rayon  ƏSMM-nə  ünvanlı  sosial  yardım  almaq  üçün  247  ailə  müraciət  etmiş,  219  ailənin  sənədləri  qeydiyyata  alınmışdır.  180  ailəyə  ünvanlı  sosial  yardım  təyin  edilmişdir  ki, bu  da  851  nəfər  ailə  üzvünü  əhatə  edir.  Hesabat  rübündə  1  ailəyə  ödənilən ünvanlı  sosial  yardımın  orta  aylıq  məbləği  124,06  manat  təşkil  etmişdir.
Hal – hazırda   rayon  üzrə  7272  ailə  üzvünü  əhatə  edən 1539  ailəyə  ünvanlı  sosial  yardım  verilir.
Pensiyaçıların  sosial  müdafiəsinin  gücləndirilməsi  və  vahid  sığorta  pensiya  sisteminin  yaradılması   sahəsində  müəyyənləşdirilən  tapşırıqların  icrası  ilə  əlaqədar  tədbirlər  davam  etdirilmişdir.
Cari  ilin  I  rübündə  DSMF  Ağsu  rayon  şöbəsi  tərəfindən  gəlirlər  proqnozu  103,5  faiz  o  cümlədən  büdcədən  maliyyələşən  təşkilatlar  üzrə  106,5  faiz,  qeyri  büdcə  təşkilatları  üzrə  92,9  faiz  icra  olunmaqla  669,7 min  manat  vəsait  toplanmışdır  ki,  bu  da   ötən  ilin  müvafiq  dövrü  ilə  müqayisədə  13,5 %  və  ya   79,9  min   manat   çoxdur.
Hesabat  dövründə  pensiya  və  müavinətlərin  ödənilməsi  üçün  ödəniş  müəssisələrinə  5068,5  min  manat  vəsait  köçürülüb.  Xərclərin  ümumi  məbləğinin  98,8  faizi  əhaliyə  ödənişlərə  yönəldilib,  orta  aylıq  pensiya  məbləği  161,58  manat  təşkil  edib.
Hesabat  rübündə  hər  biri  80 şagird yerlik Keşdiməz kənd ümumi orta, Dilman və   Muradlı kənd  tam orta  məktəb  binalarının  tikintisində işlər  davam  etdirilib.
           Rayonun ümumtəhsil  məktəb  binalarında  55,4  min  manat  dəyərində (Qaravəlli kənd  ümumi  orta  məktəb  binasında)   əsaslı,  8,6  min  manat  dəyərində  (Gəgəli  kənd  ümumi orta  məktəb  binasında)  cari  təmiri  işləri  aparılıb.
Təhsil  müəssisələrinin  maddi-texniki  bazasının  möhkəmləndirilməsi   tədbirləri  davam  etdirilib, 26,1  min  manatlıq  inventar,   25,9  min  manatlıq  avadanlıq,  18,5  min  manatlıq  digər  maşın  və  avadanlıq  alınmışdır.
2014-cü  ilin  I  rübündə   Ağsu Mərkəzi  Rayon  Xəstəxanasının yeni binasının tikintisində  işlər  davam  etdirilib.
Ölkə vətəndaşlarının sağlamlıqlarının qorunması tədbirlərini hər zaman diqqət mərkəzində saxlayan Azərbaycan Respublikasının Prezidenti Cənab İlham Əliyevin tapşırıqlarına əsasən respublikamızda keçirililən əhalinin tibbi müayinəsi tədbirləri Ağsu rayonunda da yüksək səviyyədə təşkil olunub. Hesabat  dövründə rayon üzrə əhalinin 53,9  min  nəfərinin və  ya  71,8 faizinin tibbi müayinələrdən keçirilməsi təmin edilibdir.
Hesabat  yığıncağında müvafiq qərar qəbul edilmişdir.
Sonda rayon icra hakimiyyətinin başçısı yekun nitqi söyləmişdir.