Rayon İcra Hakimiyyətinin başçısı Təklə kəndində səyyar qəbul keçirib
Rayon icra hakimiyyətinin başçısı cənab Ənvər Seyidəliyev hüquq mühafizə orqanlarının, əlaqədar idarə və təşkilat rəhbərlərinin iştirakı ilə Təklə kəndində səyyar qəbul keçirib.
Qeyd edilib ki, belə görüşlər vətəndaşların irəli sürdüyü irad və təkliflərin tez bir zamanda həll olunmasına imkan yaradır. Bu da yaşayış məntəqələrinin sakinləri tərəfindən razılıqla qarşılanır.
Çıxış edən kənd sakinləri sosiai - iqtisadi inkişaf sahəsində ölkədə həyata keçirilən məqsədyönlü tədbirlərə görə dövlət başçısına dərin minnətdarlıqlarını bildiriblər.
Qəbulda vətəndaşlar tərəfindən məktəb binasının əsaslı təmiri, kəndin telefonlaşdırılması və internetlə təminat, taxıl yığımı kampaniyasının sürətləndirilməsi və digər yerli əhəmiyyətli məsələlərin həlli qaldırılıb. Qeyd olunan problemlər nəzarətə götürülüb və onların həlli ilə bağlı rayon icra hakimiyyəti başçısı tərəfindən aidiyyəti vəzifəli şəxslərə müvafiq tapşırıqlar verilib.
Təklə kəndində keçirilən səyyar qəbulda Milli Məclisin deputatı Tahir Kərimli iştirak edib.
%20(1)(1).jpg)
