Ağsuda “20 Yanvar” faciəsinin 24-cü ildönümü qeyd edildi

Respublikamızın hər yerində olduğu kimi, Ağsu  rayonunda “Qəhrəmanlar Parkı” abidə  kompleksi önündə, “20 Yanvar” faciəsinin 24-cü ildönümü qeyd edilmişdir. Yüzlərlə Ağsulu şəhidlərimizi anmaq üçün əllərində qərənfil buraya yığışmışdılar. Tədbirdə RİH başçısı cənab Ənvər  Seyidəliyev, RİH başçısının  müavinləri,  RİH başçısı Aparatın şöbə müdirləri, Rayon hüquq-mühafizə orqanlarının və icra strukturlarının rəhbərləri, ictimaiyyət nümayəndələri, 20 Yanvar faciəsinin  iştirakçıları,  müəllimlər,  iştirak edirdi.  İlk öncə şəhidlərin ruhu bir dəqiqəlik sükütla anıldı.
Tədbiri giriş sözü ilə açan İcra hakimiyyətinin başçısı cənab Ənvər  Seyidəliyev xalqımızın başına gətirilən müsibətlərdən, Bakıda törədilən vandalizmdən, Ulu  Öndər Heydər Əliyevin imperiya əleyhinə gedərək  bu faciəyə  düzgün siyasi qiymət verməsindən, Ulu Öndərin  hər zaman xalqının yanında olmasından danışdı.
Anım tədbirində çıxış edən Rayon İcra Hakimiyyəti başçısının müavini Rasim Novruzov Azərbaycanın azadlığı yolunda şəhid olan “20 Yanvar” faciəsinin qurbanlarının öz qanları ilə tariximizə əbədiyyət salnaməsi yazdığını diqqətə çatdırdı.
Hadisənin canlı şahidi kimi şəhər  5  saylı  tam  orta  məktəbinin  direktoru   Elman  Qarayev o gecənin dəhşətləri barədə danışdı. O vurğuladı ki, hazırda 20 Yanvar faciəsində şəhid olanların ailələri, eləcə də sağlamlıqlarını itirmiş şəxslər dövlətin hərtərəfli qayğısı ilə əhatə olunublar.
Çıxışlardan  sonra rayon ictimaiyyətinin nümayəndələri “Qəhrəmanlar  Parkı”  abidə  kompleksində şəhidlərin abidəsinin önünə tər çiçəklər düzməklə  öz qanları ilə tariximizə əbədiyyət salnaməsi yazan  soydaşlarımıza   hörmət  və  ehtiramlarını  bildirdilər.
Mərasim,  rayonun  Mədəniyyət  sarayında  “20 Yanvar” faciəsi  ilə  əlaqədar  film,   daha  sonra  Mədəniyyət  Evinin hazırladığı  “Unudulmaz  tarix”  mövzusunda  ədəbi - bədii kompozisiya nümayişi  ilə davam  etdirildi.
Dövlət bayrağının səhnəyə gətirilməsi ilə tədbir sona çatdı..