Ağsuda Ulu Öndər Heydər Əliyevin xatirəsi dərin hörmət və ehtiramla anıldı

      Ağsu rayon rəhbərliyi, idarə və təşkilat, təhsil müəssisələrinin, veteran və gənclər təşkilatının, din xadimlərinin, rayon ictimaiyyətinin nümayəndələrinin və KİV nümayəndələrinin iştirakı ilə Ulu öndər Heyər Əliyevin vəfatının 10-cu il dönümü ilə əlaqədar  anım mərasimi keçirimişdir.
      Tədbirdən öncə rayon ictimaiyyətinin nümayəndələri «Heydər  Parkı»nda ümummilli  liderimizin  abidəsini  ziyarət  etmişlər.   Abidənin  önünə  əkilil  qoyulmuş  və  tər  çiçəklər  düzməklə  Ulu öndərə hörmət və ehtiram  bildirlmişlər.
     Bundan  sonra  tədbirin  rəsmi  hissəsi Heydər  Əliyev  Mərkəzində başlanılmış, Ulu  öndərin  əziz  xatirəsi  bir  dəqiqəlik  sükutla  yad  edilmişdir.
      Anım mərasimini giriş sözü ilə açan Ağsu Rayon İcra Hakimiyyətinin başçısı Ənvər Seyidəliyev  Azərbaycan xalqının tarixində və taleyüklü məsələlərin həllində müstəsna xidmətləri olan tarixi şəxsiyyət, görkəmli dövlət xadimi, dünya  miqyaslı siyasətçi, xalqımızın milli iftixarı Heydər Əliyevin həyat və fəaliyyəti, onun Azərbaycan tarixindəki rolu barədə çıxış etmişdir.
     Natiq qeyd etmişdir ki, vətənimiz üçün kifayət qədər mürəkkəb və keşməkeşli bir dönəmdə xalqına arxa olan ulu öndər Heydər Əliyev Azərbaycanın inkişaf tarixində silinməz izlər qoymuşdur. Onun möhtəşəm zəhməti nəticəsində Azərbaycan dünyanın siyasi meydanında öz sözünü deyə bilən qüdrətli dövlətə çevrilmişdir. Dünyanın ən tanınmış siyasətçiləri bu böyük zəka sahibinin fəaliyyətini, onun dəyərli irsini artıq çoxdan örnək kimi qəbul etmişlər.
     Digər çıxış edənlər ümummilli lider Heydər Əliyevin həyat və fəaliyyəti, onun Azərbaycan tarixindəki rolu barədə danışmışdır. Din xadimləri Ulu öndərin əziz xatirəsinə müqəddəs kitabımız olan «Qurani Kərim»dən ayələr və yasin surəsini oxumuşlar.
   Sonra şəhərin  mərkəzində  (sağ  və  sol  sahildə) 600 nəfərin iştirakı ilə ümummilli lider Heydər Əliyevin əziz xatirəsinə həsr olunmuş  ehsan mərasimi keçirilmişdir.