Milli Qurtuluş Günü Ağsuda geniş qeyd olunmuşdur
Milli Qurtuluş Günü münasibəti ilə Ağsu şəhərində bayram tədbiri keçirilmişdir.
Əvvəlcə milli qurtuluşumuzun səbəbkarı – ulu öndər Heydər Əliyevin abidəsi önünə təzə gül dəstələri düzülmüş, Ümummilli Liderin xatirəsi bir dəqiqəlik sükutla anılmışdır.
Mərasimi giriş sözü ilə açan Ağsu Rayon İcra Hakimiyyətinin başçısı Ənvər Seyidəliyev bu əziz günün xalqımızın tarixinə qızıl hərflərlə yazıldığını və parlaq səhifəsini təşkil etdiyini xüsusi vurğulamış, millətimizin ən ağır günlərində xalqın təkidi və tələbi ilə yenidən siyasi hakimiyyətə gəlmiş ulu öndər Heydər Əliyevin xalqımız və müstəqil dövlətimiz qarşısında misilsiz xidmətlərindən ətraflı söz açmışdır.
Tədbir 15 iyun 2013-cü ildə Heydər Əliyev adına parkda şəhər Mədəniyyət evinin bədii özfəaliyyət kollektivinin konsert proqramı ilə davam etdirilmişdir.
