2016-cı ilin birinci yarısında rayonun sosial-iqtisadi inkişafının yekunları müzakirə olunmuşdur

Hesabat məruzəsi ilə çıxış edən Ağsu rayon İcra Hakimiyyətinin başçısı Ə.Seyidəliyev bildirmişdir ki, cari ilin iyul ayının 10-da Azərbaycan Prezidenti cənab İlham Əliyevin sədrliyi ilə Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına həsr olunmuş iclasında geniş məzmunlu, proqram xarakterli nitqləri, söylənilən faktlar və rəqəmlər, gələcək vəzifələrimizi müəyyənləşdirən dəyərli tapşırıq və tövsiyələri belə bir həqiqəti aydın şəkildə göstərdi ki, cənab İlham Əliyevin müdrik daxili və xarici siyasəti sayəsində ölkəmizin uzun illər üçün dinamik inkişafının, xalqımızın gələcək firavanlığının möhkəm təməli qoyulmuşdur.
   Azərbaycan Respublikasının Prezidenti cənab İlham Əliyevin yüksək diqqət və qayğısı sayəsində Ağsu rayonu son illər dinamik inkişaf yoluna çıxmış, rayonun sosial-iqtisadi həyatında əsaslı dəyişikliklər baş vermişdir. 
      Azərbaycanın hər bir bölgəsi kimi, Ağsu rayonunun da inkişafı  üçün  lazımi tapşırıq və tövsiyələrini verən, daima diqqət və qayğı göstərən cənab İlham Əliyev regionlara etdiyi səfərlər çərçivəsində 5 dəfə rayonumuzda olmuş, görülən işlərlə maraqlanmış,  əhali ilə  görüşlər keçirərək qaldırılan hər bir məsələnin həlli ilə bağlı öz tapşırıqlarını verərək mühüm sosial məsələlərin icrası istiqamətində Sərəncamlar imzalamışdır. Sözsüz ki, bütün bunlar rayon sakinlərinin böyük ruh yüksəkliyinə və əmək coşqunluğuna stimul vermiş, əmək kollektivlərini iqtisadiyyatda, sosial-mədəni həyatda daha mühüm nailiyyətlər qazanmağa ruhlandırmışdır.
    Bunun məntiqi nəticəsi olaraq son  illər Ağsu  rayonunda  nəzərəçarpacaq  işlər görülmüş, əhalinin həyat səviyyəsi yüksəlmiş, iqtisadiyyatın ayrı-ayrı  sahələrində  inkişafa  nail  olunmuşdur.
   “Azərbaycan  Respublikası  regionlarının  sosial-iqtisadi  inkişafını təmin edən  iki  Dövlət Proqramı” uğurla başa çatdırılmışdır. Bu müddətdə rayonda yeni iş yerlərinin açılması, tikinti, quruculuq və abadlıq işləri diqqət mərkəzində saxlanılmış, sosial  problemlərin  həllinə  qayğı  göstərilmişdir. Yollar, küçə  və  meydanlar asfaltlaşdırılmış və abadlaşdırılmışdır. Yeni müəssisələr, çoxsaylı sahibkarlıq obyektləri yaradılaraq  fəaliyyətə  başlamışdır.
      Əhalinin və iqtisadiyyatın bütün sahələrinin, elektrik enerjisi və təbii qaz  təminatının yaxşılaşdırılması, nəqliyyat infrastrukturunun tikintisi və əsaslı təmiri    istiqamətində  bir  sıra  işlər  görülmüşdür.
     2016-cı ilin I yarısında da rayonumuzun sosial - iqtisadi inkişafı uğurlu olub, III regional inkişaf proqramının icrası böyük inam və müvəffəqiyyətlə davam etdirilib,  Dövlət  Proqramında  nəzərdə  tutulan  tədbirlər  uğurla  icra  olunub.
     Belə ki, 2015-ci ildə 2016-cı ilin məhsulu üçün 34876 ha sahədə payızlıq   taxıl (ondan 15359 ha buğda, 19517 ha isə arpa) əkilmişdir. 01.07.2016-cı il vəziyyətinə zəmilərdən 96,2 min ton taxıl məhsulu (o cümlədən 43,7 ton buğda, 52,5 ton arpa) əldə olunmuş, buğda məhsulunun hər hektardan orta məhsuldarlığı 31,1 sentner, arpa məhsulunun isə hər hektardan orta məhsuldarlığı 27,2 sentner təşkil etmişdir. Taxıl biçini mütəşəkkil qaydada davam etdirilir. Hesabat dövründə 519 ton kartof, 2508 ton tərəvəz, 1448  ton meyvə  istehsal  olunmuşdur.
     Bundan başqa bu ildən başlayaraq rayonda baramaçılıq və pambıqçılığın inkişaf etdirilməsi istiqamətində zəruri tədbirlər görülmüşdür. Belə ki, hal-hazırda rayonda 1104 hektar ərazidə pambıq yetişdirilir, 50 qutu ipəkqurdu toxumu bəslənilir. Sevindirici haldır  ki, bu sahələr  üzrə  ilkin  nəticələr  çox ümidvericidir.
         ”Aqrolizinq” yolu ilə fermerlərə və ailə-kəndli təsərrüfatlarına 700 ton azot, 132 ton  fosfor  və 100  kq pestisid satılmışdır.  
Mal-qaraların cins tərkibinin yaxşılaşdırılması, ətlik maldarlığın inkişaf etdirilməsi üçün rayonda 6 nəfər süni mayalanma texniki fəaliyyət göstərib, 213 baş inək texniklər  tərəfindən  mayalandırılıb, 145 baş bala alınıb.
2016-ci ilin I yarısında ət istehsalı 2450 ton, süd istehsalı 14057 ton, yumurta istehsalı  5028 min ədəd, yun istehsalı isə 303 ton olmuşdur.
      2016-cı ilin 6 ayı ərzində Rayon Baytarlıq idarəsi tərəfindən görülən tədbirlər nəticəsində rayonda epizootik sabitlik təmin edilmişdir. Belə ki, 39000 baş iribuynuzlu, 902 baş təkdırnaqlı, 150000 baş xırdabuynuzlu heyvanlarda qarayara xəstəliyinə qarşı, 599470 baş cücə və 392000 baş quşlarda tauna qarşı vaksinasiya aparılmışdır.
     Hesabat ilində də rayonda fəaliyyət göstərən “Azqranata” MMC-nin şirə və şərab emalı zavodu, “Ağsu-Aqrotexservis” ASC-nin istixana təsərrüfatı və fəaliyyətdə olan digər emal müəssisələri məhsul tədarükü və istehsal  prosesini davam etdirmiş, istehsal olunmuş məhsulların satışı üzrə geniş bazar  funksiyasını həyata  keçirmişdir.
      2016-ci ilin I yarısında abadlıq-quruculuq işləri davam etdirilib. Belə ki, şəhərin M.Ə.Rəsulzadə küçəsində Ağsu rayon Kənd Təsərrüfatı idarəsi üçün inzibati bina, “Azqranata” MMC üçün yeni süzmə sektoru və soyuducu anbarın tikintisi tamamlanmış, şəhərin kanalizasiya sisteminin təmizləmə qurğusunun tikintisi davam etdirilmişdir. Bununla yanaşı 140 yerlik Qərənfil uşaq bağçası əsaslı təmir edilərək istifadəyə verilmiş, 1 saylı uşaq bağçasında isə əsaslı təmir işləri davam etdirilmişdir.
    Hazırda Çaparlı-Kəndoba-Cəlayir avtomobil yolunun yenidən qurulması istiqamətində təmir işləri aparılır. Bununla yanaşı Ağsu-Ağarx-Qaradağ avtomobil yolunun Bozavand kəndinə qədər olan hissəsinin təmiri başa çatdırılmışdır. Qaradağ və Qaravəlli kəndlərində modul tipli sutəmizləyici qurğuların tikintisi, şəhid ailələri və Qarabağ müharibəsi əlilləri üçün hər biri 3 otaqdan ibarət olan 10 ədəd fərdi yaşayış evlərində tikinti quraşdırma işləri davam etdirilir.
   Şəhərin müxtəlif məhəllələrində tikintisi yarımçıq qalmış obyektlərin başa çatdırılması, binaların fasad hissələrinin müasir tələblərə uyğun qurulması və çoxmənzilli yaşayış binaların təmir-bərpası istiqamətində işlər davam etdirilmişdir. Cari ilin mart ayında M.Ə.Rəsulzadə küçəsində yararsız olan darvazalar dəyişdirilmiş, C.Gərayev küçəsinin asfaltlaşdırılması davam etdirilmişdir.Hazırda M.Xəlilov, M.Əsədov, T.İsmayılov, T.Əliyarbəyov, C.Kərimov, S.Vurğun, Babək və Natavan küçələrində abadlaşdırma-yenidənqurma işləri aparılmış, 8200 m2 asvalt örtük çəkilmiş, 2500 p/metr səki daşları düzülmüşdür. Şəhərin digər məhəllələrində də küçələrin asfaltlaşdırılması  istiqamətində  işlərin  icrası  davam  etdirilir.
       Şəhərin M.Hüseyn küçəsində 5 mərtəbəli 50 mənzilli və Vidadi küçəsindəki  60  mənzilli  binalarda əsaslı  təmir işləri aparılmışdır.
       Hesabat dövründə şəhərin M.Ə.Rəsulzadə küçəsində 145 çarpayılıq Mərkəzi rayon Xəstəxanasının tikintisi başa çatdırılmışdır. Ölkə prezidenti cənab İlham Əliyev xəstəxananın açılışında  iştirak  etmiş, obyekt istifadəyə verilmişdir.
Ümumiyyətlə,  2016-cı  ilin I  yarısında   rayonda  fəaliyyətə  başlayan  yeni  və  bərpa  edilmiş  müəssisələrdə, aparılan  abadlıq-quruculuq  işlərində  və  digər  mövsümi  işlərdə  603 nəfər  işlə  təmin  olunmuşdur  ki,  onlardan  439 -u  daimi  işlə  təmin  olunanlardır.
    2016-cı ilin  I  yarısında  rayon  üzrə  ümumi  məhsul  buraxılışının  həcmi  83600.8  min  manat  təşkil  etmişdir  ki,  bu  da  ötən  ilin  müvafiq  dövrü  ilə  müqayisədə 13.4 faiz azdır. Ümumi  məhsul  buraxılışının 57.9  %-i  kənd  təsərrüfatında,  27.0  %-i  ticarətdə, 10.5  %-i   tikintidə  yaranmışdır.
    Ümumi  məhsul buraxılışında sənaye məhsulunun həcmi ötən  ilin  müvafiq  dövrü ilə müqayisədə 23,0 faiz azalaraq  2146.1 min manat, sənaye  məhsulunun  qeyri dövlət bölməsində həcmi isə 1225.3 min manat olmaqla, sənaye  məhsullarının istehsalında  qeyri-dövlət  sektorunun xüsusi  çəkisi  57.1 faiz  təşkil  edib. 
      Hesabat  dövründə  pərakəndə  əmtəə  dövriyyəsinin  həcmi   63500.0 min  manat  təşkil  etməklə  ötən  ilin  müvafiq  dövrü  ilə  müqayisədə  15.8 faiz  çox,  əhaliyə  göstərilən  pullu  xidmətlərin  həcmi  2015-ci  ilin  müvafiq  dövrünün  səviyyəsini   2075.0 min  manat  ötərək  12153.0 min  manat  olmuşdur.  2016-cı ilin  I  yarısında  tikinti-quraşdırma  işlərinin  həcmi   8749.4 min  manat,  əsas  kapitala  yönəldilən  investisiyalar  9365.6  min  manat  olmuşdur.  Ötən  ilin  müvafiq  dövrü  ilə  müqayisədə  tikinti-quraşdırma  işlərinin  həcmi  6.1 faiz  əsas  kapitala  yönəldilən  investisiyaların  məbləği  6.7 %  azalmışdır.
      Xüsusi mülkiyyətin genişləndirilməsi, sahibkarlığın sürətli inkişafı və  əhalinin sosial  müdafiəsinin  gücləndirilməsi  istiqamətində  həyata  keçirilən  dövlət  tədbirlərinin  nəticəsi  olaraq  hesabat  dövründə  orta  aylıq  əmək  haqqı   275,00 manat təşkil  etmişdir ki,  bu  da  ötən  ilin  müvafiq  dövrünün  səviyyəsini  4  manat  və  ya  1.5 %  üstələyir.       
      Ağsu Elektrik  Şəbəkəsi  üzrə  hesabat  dövründə  23 milyon 716 min kilovat-saat elektrik  enerjisi sərf olunmuş və dəyəri 1 milyon 170 min 402 manat qarşı 1 milyon 142 min 200 manat vəsait toplanmış, yığım səviyyəsi 97,6 faiz təşkil edib  ki, bu da ötən  ilin  müvafiq  dövrü  ilə  müqayisədə  5,31 faiz çoxdur.
      Bu müddətdə rayonun elektrik enerjisi təminatının yaxşılaşdırılması sahəsində müəyyən işlər görülüb. Belə ki, 10 kv-luq  elektrik verilişi xətlərində 5,7 kilometr əsaslı, 7,3 km məsafədə cari, 0.4 kv-luq elektrik verilişi xətlərində 0,8 kilometr məsafədə əsaslı, 13,9 km məsafədə cari təmir işləri aparılıb. Təmir işlərinin görülməsi üçün 124 ədəd 10 kv-luq dayaq, 490 metr naqil, 99 ədəd      kv-luq izolyator, 2 ədəd metal traves istifadə olunmuşdur.
    Ümumi  gücü 2556 kvA olan 14 ədəd transformator yarımstansiyası əsaslı təmir olunmuşdur. Əsaslı təmir olunmuş transformator yarımstansiyalarının üzərinə 16 ədəd 0,4 Kv-luq ayrıcı quraşdırılmışdır. 76 ədəd yeni sayğac quraşdırılmış, 63  ədəd qüsurlu sayğacı yenisi  ilə  əvəz edilmişdir.
        Ümumilikdə,  yerinə  yetirilən  işlərin dəyəri 55,2 min manat, o cümlədən əsaslı təmir işlərinin  dəyəri  45,0 min manat, cari  təmir  işlərinin  dəyəri  isə 10,2 min  manat  təşkil  etmişdir.
    Son illər rayonun qaz təchizatının yaxşılaşdırılması sahəsin¬də zəruri tədbirlər  həyata  keçirilib. Belə ki, “Azərbaycan Respublikası regionlarının sosial – iqtisadi inkişafı” Dövlət Proqramı, eləcə də ARDNŞ və Ağsu RQİİ-nin Ağsu xidmət sahəsi qarşısında qoyduğu konkret tapşırıqların icrası məqsədilə tədbirlərin görülməsi davam edir. 2016-cı ilin yanvar-iyun aylarında istər rayonun qaz təsərrüfatının yenidən qurulması, istərsə də təbii qazın istehlakçılara çatdırılması zamanı yol verilən normadan artıq qaz itkilərinin qarşısının alınması və dəyərinin yığılması sahəsində bir sıra işlər görülmüşdür.
      Rayon üzrə bütün istiqamətlərdə daxili tənzimlənmələrin günün tələbləri səviyyəsinə qaldırılması məqsədilə ilin əvvəlində tədbirlər planı hazırlanmış və tədbirlər planı əsasında rayon üzrə istismarda olan 75 şkaf tipli qaztənzimləyicinin texniki  vəziyyətinə  təkrar  baxış keçirilmişdir.
    2016-cı ilin 6 ayı ərzində ölçü qovşaqlarından 12,1 milyon kubmetr təbii qaz alınmışdır ki, bu da ötən ilin müvafiq dövrü ilə müqayisədə 1,5 milyon kubmetr artıqdır. İlin əvvəlində havaların şaxtalı keçməsinə baxmayaraq 6 ayda  1251-ə yaxın abonentin artımı qaz qəbulunun bu həcmdə artmasını şərtləndirən əsas amildir. Qəbul edilmiş təbii qazın 10,3 milyon kubmetri satışa verilmiş, qazın nəqli prosesində 1,8 milyon kubmetr, başqa sözlə 15,3 faiz itkiyə yol verilmişdir. Satışın 9,1 milyon kubmetri əhali qrupu, 1,2 min kubmetri digər kateqoriyalardan olan istehlakçıların payına düşür.
   Əhali abonentlərinə əvvəlcədən ödəmə sistemli İTRON sayğacların quraşdırılması ilə bu sahədə qazın dəyərinin yığılmasında olan problemlərə tamamilə son qoyulmuşdur. Bu kateqoriyadan olan istehlakçılara 2016-cı ilin yanvar-iyun aylarında 10030.0 min manatlıq təbii qazın satılması qarşılığında hesablara 10030.0 min manat vəsait daxil olmuşdur ki, bu da satılan qazın dəyərinin 100 faiz səviyyəsində yığılması deməkdir.
      Bütün görülən işlərlə yanaşı yeni qazlaşmaya da böyük önəm verilir. Cari ilin yanvar-iyun aylarında rayonun 81 fərdi mənzili əhatə edən Qaradağ, 290 fərdi mənzildən ibarət Bico, 191 fərdi mənzili əhatə edən Qəşəd, 286 fərdi mənzili əhatə edən Cəlayir, 89 fərdi mənzili əhatə edən Cəfərli, 135 fərdi mənzili əhatə edən Ləngəbiz, 92 fərdi mənzili əhatə edən Hacıuşağı kəndlərinin qaz açılışı təmin edilmişdir.
      Həmçinin rayon üzrə ümumilikdə 6 ay ərzində yararsız olan və istismar müddətini başa vurmuş 91 ədəd İTRON tipli qaz sayğacı və 50 ədəd istismar müddəti başa çatmış yarasız qutular yenisi ilə əvəz olunmuşdur. Ümumilikdə qaz sayğacları üzrə qrafikə əsasən xidmət sahəsi ərazisində yoxlama-profilaktika məqsədilə baxış keçirilmiş və bu istiqamətdə işlər davam etdirilir.
    2016-cı ilin altı ayı ərzində su üzrə 5399 abonentə xidmət göstərilmişdir. O cümlədən 70 qeyri əhali, çirkab suyun daşınmasına görə 30 abonentə xidmət göstərilmişdir.
İlin 1-ci yarısında  Su-kanal İdarəsi 106071 min manatlıq su satmış. Bunun əvəzində 77,865 manat vəsait toplayaraq plan tapşırığına 73,4% əməl etmişdir. Çirkab suyun daşınmasına görə 2721 manata qarşı 2499 manat vəsait toplayaraq 91,8% əməl olunmuşdur.
     Digər sahələr üzrə Yerli büdcə 63,3%, Respublika büdcəsi 33,1%, ticarət xidmət sahələri 74,8%, istehsal sənaye 100,3% əhali qrupu üzrə 75,8% əməl olunmuşdur.
      2016-ci ilin I yarısında  da mərkəzi və  kənd  EATS-lərində  boş  tutumların istifadəyə verilməsi, yeni salınmış yaşayış məntəqələrinin telefonlaşdırılması, xətt şəbəkəsinin tikintisi və genişləndirilməsi istiqamətində işlərin icrası davam  etdirilib. Şəhərin 3-cü məhəllə və yeni yaşayış massivinin telefonlaşması ilə əlaqədar müxtəlif tipli kabellər çəkilmiş, 100 abunəçiyə yeni telefon çəkilişinə başlanılmış və 78 abunəçiyə  isə yeni telefon xətti çəkilmişdir.
     Rayonun Pirhəsənli, Növcü, İlxıçı, Kəndoba və Ərəbuşağı kənd EATS ərazilərində boş nömrələrin paylanması, kabellərin yenisi ilə əvəz olunması və kabeldə olan zədələnmələrin aradan qaldırılması üçün müxtəlif tipli kabel materialları istismara buraxılmış və 25 abunəçiyə yeni telefon çəkilmişdir. Rayon mərkəzində tutumu 100 nömrə olan “585 prefiksi” ilə başlayan daşınan şəhər nömrələri istifadəyə verilmişdir. Hal-hazırda 38 abonent bu xidmətdən istifadə edir. Bundan əlavə rayon mərkəzində montaj tutumu 2800 nömrə olan ATSK-50x200 tipli ATS müasir tələblərə cavab verən Türkiyədə istehsal olunmuş “KAREL” tipli elektron ATS-lə əvəz olunmuşdur. Beləliklə birbaşa internete qoşulma mümkünlüyü bütün abunəçilər üçün bərpa edilmişdir. Şəhər telefon şəbəkəsi üzrə 3712, kənd telefon şəbəkəsi üzrə isə 3192 elektron tipli nömrə montaj olunmuşdur.
      İnternet xidmətindən istifadə edən kənd EATS-lərinin sayı 20-yə, genişzolaqlı internet xidmətindən istifadə edən abonentlərin sayı 1682-yə çatdırılmışdır. Nəticədə hər 100 abunəçiyə düşən internet istifadəçilərinin sayı 38,3-ə, hər 100 ailəyə düşən internet istifadəçilərinin sayı 10,2-yə və hər 100 ailəyə düşən sabit şəbəkə  telefonlarının  sayı  26,6 -ya  çatdırılmışdır.         
     Hesabat dövründə Suvarma Sistemləri İdarəsi tərəfindən istismar  tədbirləri  planı  tam  yerinə  yetirilib,  təsərrüfatların  suvarma  suyu  ilə təminatında ciddi problem yaşanmayıb, cari məsələlər vaxtlı-vaxtında həlinin tapmışdır.
   Belə ki, cari ilin 6 ayı ərzində 44952 hektar sahə suvarılmışdır. 50 ədəd hidrotexniki qurğu, 2 km-dan artıq beton kanal cari təmir edilmişdir. Nasos stansiyasında təmir işləri aparılaraq tam işlək vəziyyətə gətirilmiş, suvarma kanalları 340 min m3 lildən təmizlənmişdir. Sel sularının qarşısının alınması məqsədilə 150 min m3   çay məcrası təmizlənmişdir.
      Bu müddət ərzində “Ağsuçay”da 450  m3  daş-beton bənd təmir edilmişdir. Rayonun Musabəyli və Muradlı kəndlərində 2 ədəd subartezian quyusu qazılmış, müxtəlif ərazilərdə yerləşən digər 3 ədəd subartezian quyusu təmir edilərək istifadəyə verilmişdir.
    2016-cı ilin I yarısında rayon büdcəsinin mədaxili 7 milyon 22,6 min manat, (ondan: yerli gəlirləri  tənzimləmək  üçün Respublika büdcəsindən  ayrılan dotasiya  5 milyon  530,7  min  manat, yerli  gəlirlər 1 milyon 491,8 min manat) , rayon büdcəsinin xərcləri  8 milyon  645,4  min  manat  proqnozlaşdırılmışdır.
     Bu  müddətdə  rayon  büdcəsinin  mədaxili 7 milyon 874,0 min manat, (ondan: yerli  gəlirləri  tənzimləmək  üçün  Respublika   büdcəsindən  ayrılan  dotasiya  6  milyon  370,0  min  manat,   yerli  gəlirlər 1 milyon 504,0  min  manat)  və  ya  112,1  faiz,  rayon  büdcəsinin xərcləri  6 milyon  862,8  min  manat  və  ya  79,4  faiz  icra  olunmuşdur. 
      Ağsu  Rayonu üzrə  Maliyyə  idarəsi  tərəfindən  büdcə  vəsaitinin  təyinatı  üzrə  səmərəli  xərclənməsinə  nəzarət  tədbirləri  artırılmalı,  yerli  gəlirlər və  xərclər üzrə  proqnoz göstəriciləri yerinə  yetirilməlidir.  Bu  məqsədlə  aidiyyatı  orqanlarla  birlikdə  təşkilati-hüquqi  formasından  asılı olmayaraq  bütün  vergi  ödəyicilərinin  aşkar  edilərək  qeydiyyata  alınması, mövcud  qanunvericiliyin  tələblərinə  uyğun  olaraq   vergi  və  rüsumların  tam  məbləğdə  ödənilməsi  təmin  edilməli,  vergi  və  rüsumların  ödənilməsindən  yayınma, həmçinin  vergi  və  rüsumların  süni  surətdə  azaldılması  hallarına  yol  verilməməlidir.
      Əhalinin həyat səviyyəsinin yüksəldilməsi və sosial müdafiəsinin gücləndirilməsi məqsədilə  aparılan  işlər  ilin I yarısında da diqqət mərkəzində  saxlanmışdır. Belə ki, Ünvanlı Sosial Yardım almaq üçün 563 nəfər müraciət etmişdir. Onlardan 534 nəfərə Ünvanlı Sosial Yardım təyin edilmiş, 29 nəfərə imtina verilmişdir. 5 nəfərinə ailənin orta aylıq gəlirinin ehtiyac meyarından yuxarı olmasına, 14 nəfərinə ailənin orta aylıq gəlirinin 50%-dən çox məbləğdə aylıq kredit öhdəliyi olmasına, 10 nəfərinə ailənin istifadəsində nəqliyyat vasitəsinin olmasına görə imtina verilmişdir.
         Rayon üzrə 2297 nəfərə aylıq 128324 manat məbləğində sosial müavinət və 381 nəfər ailəyə 45746 manat məbləğində orta aylıq təqaüd ödənilmişdir.
         2016-cı ilin 6 ayında mərkəz üzrə 76 nəfər ahıl, tənha və qocalara evlərində xidmət göstərilmişdir. 30 nəfər əlilə  istirahət mərkəzlərinə  istirahət və müalicə  üçün putyovka verilmişdir.
     Dövlət Sosial Müdafiə Fondu Ağsu rayon şöbəsi tərəfindən 2016-cı ilin 1-ci yarısında 1418,0 min manat vəsait toplanmışdır. Pensiya və müavinətlərin verilməsi üçün 11294,8 min manat, məcburi dövlət sosial sığorta haqları üzrə müavinət xərclərinin verilməsi üçün 145,6 min manat vəsait ödənilmişdir.
     01.07.2016-cı il vəziyyətinə şöbə tərəfindən 10542 pensiya işi üzrə 11374 nəfər əmək pensiyaçısına xidmət göstərilir. Bundan 6283 nəfər yaşa görə, 3538 nəfər əlilliyə görə pensiyaçılardır. 65 nəfər dövlət qulluğçusu kimi pensiya alır.     1 nəfərə düşən aylıq pensiyanın məbləği 175 manat 50 qəpik təşkil edir.
    2016–cı ilin 6 ayı ərzində səhiyyə sahəsində də bir sıra işlər görülüb. Belə ki, 59312 nəfər böyük yaşlı əhali, 10051 nəfər uşaq isə tibbi müayinədən keçirilib. Uşaqların tibbi müayinəsi ilin sonuna qədər davam edəcəkdir. 6 ay ərzində 33 nəfər təkmilləşmə kursundan keçmişdir. 5 nəfər həkim, 10 nəfər orta tibb işçisi  sertifikat almış, 3 nəfər orta tibb işçisi işə qəbul olunmuşdur. Bu müddətdə rayonun Xanbulaq kənd həkim məntəqəsi cari  təmir olunub.
     2016-cı ilin 6 ayı ərzində Məşğulluq Mərkəzi tərəfindən bir sıra işlər görülmüşdür. Belə ki, mərkəz tərəfindən 2187 nəfər işaxtaran kimi qeydiyyata alınıb. Qeydiyyata alınanların 192 nəfərini qadınlar təşkil etmişdir. Hesabat dövründə 421 nəfər vətəndaş işə göndəriş alaraq işlə təmin olunub. İşlə təmin olunanların 54 nəfəri qadınlar, 107 nəfərini isə gənclər təşkil etmişdir. Bu dövr ərzində 35 nəfər vətəndaşa işsizlik statusu verilərək müavinət  təyin  olunmuşdur.
Mərkəz tərəfindən 2016-cı ildə sosial müdafiəyə daha çox ehtiyacı olan vətəndaşlar üçün 8 idarə, müəssisə və təşkilatda nəzərdə tutlmuş 12 boş iş yeri         (kvota) müəyyən edilmişdir. Hesabat dövründə 7 nəfər vətəndaş kvota yerlərinə göndərilərək  münasib  işlə  təmin  olunmuşdur.
   İqtisadi inkişafın əsasını təşkil edən ictimai-siyasi mühitin sabitliyi, siyasi fəaliyyətin qanuni əsasda təşkili, insanların sosial həyatının zənginləşdirilməsi rayon İcra Hakimiyyətinin gündəlik diqqətində olmuşdur. Rayon İcra Hakimiyyətində əhalinin qəbulu, onları narahat edən problemlərin həllinə diqqət daha da artırılmışdır. Hesabat dövründə Rayon İcra Hakimiyyətində  və yaşayış məntəqəsində keçirilən görüş-qəbullarda  1965  nəfər  vətəndaş  iştirak etmişdir.
    Milli və dini zəmində heç bir qanuna zidd hal baş verməmişdir. “Dini etiqad azadlığı” haqqında Azərbaycan Respublikası Qanununun pozulması hallarına yol verilməmiş, milli və dini zəmində hər hansı konfilikt, qarşıdurma və ya ziddiyyət baş verməmişdir.  Cari ilin ötən  müddətində  rayonda çoxsaylı ictimai-siyasi tədbirlər həyata keçirilmiş, dövlət və dini bayramlar yüksək səviyyədə  qeyd olunmuşdur.
      Rayonda Dövlət-gənclər siyasəti sahəsində bir sıra işlər görülmüşdür. Gənclərin vətənpərvərlik ruhunda tərbiyə olunması, onların düzgün həyat tərzi keçirməsi, zərərli vərdişlərdən uzaq olması, asudə vaxtının səmərəli keçirilməsi və intlekt səviyyəsinin artırılması istiqamətində silsilə tədbirlər həyata keçirilmişdir. Gənclərin dövlət idarəçiliyinə cəlb edilməsi sahəsində mühüm addımlar atılmış, xeyli gənc kadr rayonun dövlət müəssisələrində, digər sahələrdə işə cəlb olunmuşlar.
     İlin  sonuna kimi  rayon  iqtisadiyyatının  daha  da  yüksəldilməsi,  əhalinin   sosial  problemlərinin həlli, özəl sektorun inkişafına köməklik göstərilməsi, ərzaq  təhlükəsizliyinin  təmin  edilməsi,  abadlıq-quruculuq  işlərinin aparılması, sənaye,  tikinti, nəqliyyat və rabitə müəssisələrinin fəaliyyətinin müasir tələblər  səviyyəsində  qurulması istiqamətində  müvafiq tədbirlər həyata  keçiriləcək.
     Əhalinin  enerji  daşıyıcıları  ilə  dayanıqlı  təminatı   istiqamətində  tədbirlər  davam  etdiriləcək,  istehsal,  xidmət  və  sosial-mədəni  obyeklərin  inşasına  diqqət  artırılacaq, iri fermer təsərrüfatlarının və sənaye  zonalarının  yaradılması  istiqamətində  zəruri  tədbirlər  həyata  keçiriləcəkdir.
      Büdcə  gəlirlərinin  artırılması  üçün  mövcud  qanunvericiliyin  tələbləri  yerinə  yetiriləcək,  büdcə   xərclərinin  icrası  tam   təmin  ediləcək.
Cari ildə görüləcək işlər əhalinin  məşğulluq səviyyəsinin yüksəldilməsində  və  maddi  rifah  halının yaxşılaşdırılmasında  müstəsna  rol  oynayacaqdır. 
      RİH başçısı yanında Şura iclasında qarşıda duran vəzifələr müəyyənləşdirilmişdir.