Ağsu rayonunda 2015-ci ilin yekunlarına dair hesabat yığıncağı keçirilmişdir
Tədbir iştirakçıları öncə Heydər Parkında ümummilli lider Heydər Əliyevin abidəsini ziyarət etmişlər. Mədəniyyət sarayında keçirilən hesabat yığıncağında rayon icra hakimiyyətinin başçısı Ənvər Seyidəliyev bildirmişdir ki, 2015-ci ildə də Azərbaycan uğurla inkişaf etmiş və qarşıda duran vəzifələr yerinə yetirilmişdir. Prezident İlham Əliyevin rəhbərliyi altında bütün sosial proqramlar, o cümlədən sosial infrastruktur layihələri icra olunmuş, yeni iş yerlərinin açılması və regionların inkişafı ilə bağlı tədbirlər görülmüşdür.
Hesabat ilində ilk dəfə birinci Avropa Oyunları keçirilmiş və bu idman tədbiri bütün dünyaya Azərbaycanın imkanlarını göstərmişdir. Parlament seçkiləri də şəffaf və demokratik şəkildə baş tutmuş, xalqımızın iradəsini əks etdirmişdir.
Sosial-iqtisadi sahədə inkişaf davam etmişdir. İqtisadi artım 3,1 faiz təşkil etmiş və Ümumi Daxili Məhsul istehsalı 50 milyard dollar həcmindədir. Burada qeyri-neft sektoru əhəmiyyətli rol oynamışdır. Həmin sahə keçən il 4 faizdən çox yüksəlmişdir. Onun iqtisadiyyatda çəkisi 70 faizə çatmışdır. Bütövlükdə il ərzində qeyri-neft sənayesi 7,7 faiz artmışdır. Eyni zamanda bütün dünyada neftin qiymətinin 4 dəfədən artıq aşağı düşməsi və maliyyə çətinliklərinin artması ilə Azərbaycana da təsirsiz qalmamışdır. Manatın devalvasiyası və onun təsirinin minimuma endirilməsi üçün 2016-cı ildə qeyri-neft sektorunun neftdən asılılığının tam azaldılması ilə bağlı proqram həyata keçiriləcəkdir
Öllkə regionlarında aparılan uğurlu tərəqqi meyllərinə uyğun olaraq Ağsu rayonunda da sosial-iqtisadi inkişaf sahəsində təxirəsalınmaz tədbirlərin görülməsi davamlı xarakter almışdır. 2015-ci ildə də bütün sahələrdə dinamik inkişaf davam etdirilmişdir. Reallaşan layihələr yeni iş yerlərinin və müəssisələrin yaradılmasına, sosial infrastruktur təminatının həcminin və keyfiyyətinin yüksəlməsinə təkan vermiş, sahibkarlıq mühitinin daha da yaxşılaşmasında və əhalinin məşğulluq səviyyəsinin yüksəlməsində mühüm rol oynamışdır.
Hesabat ili daha çox dövlət başçısı İlham Əliyevin rayonumuza səfəri ilə yadda qalmışdır. Sentyabr ayının 17-də ictimaiyyət nümayəndələri ilə görüşdə rayonda görülən işlərə yüksək qiymət verən ölkə prezidenti yeni inşa olunan və yenidən qurulan obyektlərdə tikinti işləri ilə tanış olmuşdur. Onun iştirakı ilə Dünya Bankı və Azərbaycan Hökuməti ilə birgə maliyyələşdirilən “Milli Su Təchizatı və Kanalizasiya xidmətləri üzrə İkinci Layihə” çərçivəsində yenidən qurulan Ağsu şəhərinin su təchizatı, İdman kompleksi, Yeni Azərbaycan Partiyası rayon təşkilatının İcra Aparatı üçün İnzibati bina, əsaslı təmir olunmuş Şahmat məktəbi və Ağsu-Kürdəmir-Bəhramtəpə avtomobil yolu istifadəyə verilmişdir.
Rayon ərazisində abadlıq-quruculuq işləri davam etdirilmişdir. Şəhidlər Xiyabanında əsaslı təmir işləri aparılmış, abidə müasir layihə üzrə bərpa olunmuşdur Heydər Əliyev küçəsində hasarlar “Ağlay” üzlük daşları ilə üzlənmiş, səkilərə tomet döşənmişdir, Cəfər Cabbarlı küçəsində, Bakı–Şamaxı–Yevlax yolunun Ağsu şəhəri ərazisindən keçən hissəsi abadlaşdırılmış, burada yaşıllıq zolaqları salınmışdır. Tofiq İsmayılov, 20 Yanvar, Tariyel Xasiyev, Səməd Vurğun, Sabir, M.Ə.Rəsulzadə və Firdövsi küçələrində hasarlar dekorativ üzlük daşlarla üzlənmiş və piyada səkiləri yenidən qurulmuşdur.
Heydər Parkında ulu öndərin abidəsi qranitdən olan yeni abidə ilə əvəz edilmiş, “Azərişıq” Açıq Səhmdar Cəmiyyəti rayon Elektrik Şəbəkəsi üçün yeni və müasir bina inşa olunmuş, Telekommunikasiya Qovşağının və Poçt Filialının inzibati binaları əsaslı təmir olunmuşdur. Kənd Təsərrüfatı İdarəsi üçün inzibati binanın, 100 yerlik uşaq bağçasının, “Az-Granata” MMC-nin yeni süzmə sexi və soyuducu anbar kompleksinin, şəhid ailələri və Qarabağ müharibəsi əlilləri üçün hər biri 3 otaqdan ibarət 10 fərdi yaşayış evinin, Pirhəsənli, Rəhimli və Cəlayir kəndlərində modul tipli su təmizləyici qurğuların, digər bir çox sosial obyektlərin təmiri və bərpası istiqamətində əsaslı işlər davam etdirilmişdir.
Ağsu şəhərində müasir işıqlandırma xətlərinin ümumi uzunluğu 19,5 kilometrə, işıqlandırma nöqtələrinin sayı isə 611-ə çatmışdır. Təkcə ötən il Mirfəti Xəlilov və 20 Yanvar küçələrində 30 ədəd yeni işıqlanma dayaqları quraşdırılmışdır.
Yol infrastrukturunun təzələnməsi sahəsində işlər də diqqət mərkəzində olmuşdur. Bütün maliyyə mənbələri hesabına ötən il Ağsu şəhərinin asfaltlaşdırılan küçələrinin ümumi sahəsi 204,0 min kv. metr, uzunluğu isə 21 kilometr təşkil etmişdir. Bununla da son 2 il ərzində 36 kilometr uzunluqda şəhər küçələrinə yeni asfalt örtük vurulmuşdur.
Agsu-Kürdəmir magistral yolu ilə rayonun İlxıçı, Hacıqədirli, Qaravəlli və Bəyimli kəndlərini birləşdirən ümumi uzunluğu 9,5 kilometr olan yollar da asfaltlaşdırılmışdır. İkinci Kənd İnvestisiya Layihəsi çərçivəsində rayon ərazisində 15,8 kilometr çınqıl yol salınmışdır.
"Ümumrespublika Yaşıllaşdırma” marafonu çərçivəsində rayon üzrə ümumilikdə 11 min ədəd uzunömürlü ağac əkilmişdir. Şəhərin küçə və meydanlarında, yol kənarlarında ümumilikdə 28,6 min kvadrat metr yaşıllıqlar salınmış, 10,5 min ədəd müxtəlif növ uzunömürlü və dekorativ bəzək ağacları, 45 min ədəd gül kolları əkilmişdir.
Həyata keçirilən abadlıq, tikinti-quruculuq işləri sayəsində iqtisadiyyatın ayrı-ayrı sahələrinə qoyulan investisiyanın məbləği 2003-cü illə müqayisədə 123 dəfə ataraq ötən il 34,6 milyon manata çatmışdır.
Regional Dövlət Proqramlarının icra olunduğu müddətdə dövlət vəsaiti hesabına və Heydər Əliyev Fondu tərəfindən şagird yerlərinin ümumi sayı 4256 olan 22 yeni məktəb binaları inşa olunmuşdur.
Dövlət başçısı cənab İlham Əliyevin müvafiq sərəncamları ilə ayrılmış vəsait hesabına rayon Mərkəzi xəstəxanası üçün 145 çarpayı yerlik müasir tipli binada ötən il tikinti-quraşdırma işləri davam etdirilmiş və hazırda tikinti kompleksi isismara tam hazır vəziyyətdədir.
Mövcud problemlərin və çətinliklərin vaxtında həll edilməsi müəssisə və təşkilatların fəaliyyətinə ciddi təsir göstərməmişdir. Nəticədə əsas iqtisadi göstəricilərdən sayılan Ümumi Məhsul Buraxılışında geriləmə halları aradan qaldırılmış və əvvəlki illə müqayisədə inkişafa nail olunmuşdur. 155,9 milyon manatlıq məhsul istehsal olunmuşdur ki, bu, 2014-cü illə müqayisədə 3,3 faiz çoxdur.
Kənd təsərrüfatı 28,1 faiz artmışdır. Hesabat ilində kənd təsərrüfatı istehsalçılarına dövlət maliyyə yardımı davam etdirilmişdir. Rayonda rekord miqdarda taxıl yetişdirilmişdir. Əvvəlki illə müqayisədə taxıl istehsalının həcmi 70,9 faiz artaraq 119,1 min ton təşkil etmişdir. Hər hektardan orta məhsuldarlıq 34,7 sentnerə çatmışdır ki, bu, əvvəlki illə müqayisədə 1,8 dəfə yüksəkdir.
Bununla yanaşı kənd təsərrüfatı potensialından hələ lazımınca istifadə olunmur. Torpaqların əkin dövriyyəsinə cəlb olunması, mütərəqqi kənd təsərrüfatı müəssisə və təşkilatlarının sayı aşağı olaraq qalır.
Son llərdə sənaye sahəsinin maddi-texniki bazası möhkəmləndirilmişdir. Ümumilikdə sənaye buraxılışının həcmi 6,2 milyon manat təşkil etmiş, yaxud 2014-cü ildəkindən 8,7 faiz çox olmuşdur.
2015-ci ildə 374-ü daimi olmaqla rayonda 492 yeni iş yeri açılmışdır. Muzdla işləyənlərin orta aylıq əmək haqqı 2014-cü illə müqayisədə 2,4 faiz artaraq 272,3 manata çatmış, əhalinin hər nəfərinə 2342 manat gəlir əldə edilmişdir.
Sahibkarlıq fəaliyyəti ilə məşğul olanlara dövlət tərəfindən hərtərəfli dəstək verilir. 2002-2015-ci illərdə ümumilikdə 609 sahibkar 16,9 milyon manatlıq güzəştli kreditdən yararlanmışdır.
Yerli əhəmiyyətli problemlərin həllində bələdiyyələrin gücündən hələ də səmərəli istifadə olunmur. Onların yerli büdcəsinin gəlirləri azalmaqda davam edir. Ötən il yerli özünüidarəetmə orqanlarının büdcəsinə ümumilikdə 166,4 min manat pul daxil olmuşdur ki, bu, 2014-cü illə müqayisədə 46 faiz təşkil edir. Proqnoz tapşırığı cəmi 25 faiz yerinə yetirilmişdir.
Hesabat ilində rayon büdcəsinin 14 milyon 422 min manat təşkil edərək proqnoz 94,7 faiz icra olunmuşdur. Büdcəyə 2014-cü illə müqayisədə 3,2 faiz az vəsait daxil olmuşdur.
Yerli gəlirlər üzrə proqnoz tapşırığı 5,6 faiz kəsirdə qalmış, 2014-cü illə müqayisədə isə 1,7 faiz azalmışdır. Gəlirləri artırmaq üçün heç də imkanlardan tam və səmərəli istifadə olunmamışdır. Mülkiyyətdən vergilər və dövlət rüsumu istisna olmaqla digər tədiyələr üzrə tapşırıqlar yerinə yetirilməmişdir.
Əhalinin həyat səviyyəsinin yüksəldilməsi və sosial müdafiəsinin gücləndirilməsi məqsədilə aparılan işlər diqqət mərkəzində saxlanmışdır. İl ərzində Əhalinin Sosial Müdafiəsi Mərkəzinə 1098 ailə müraciət etmiş və Azərbaycan Respublikasının qanunvericiliyinə müvafiq olaraq 121 vətəndaşa ünvanlı yardım verilməsindən imtina edilmişdir. Ailə üzvlərinin sayı 4560 olan 977 nəfərə ünvanlı dövlət yardımı təyin edilmişdir.
Məcburi dövlət sosial sığorta haqlarının toplanması sahəsində ciddi irəliləyiş yoxdur. 2015-ci ildə Dövlət Sosial Müdafiə Fondu rayon şöbəsi tərəfindən 2 milyon 833 min manat vəsait toplanmışdır. Qeyri-büdcə təşkilatlarından və özəl sektordan 558 min manat vəsait yığılmışdır ki, bu da ümumi daxilolmalarda cəmi 19,7 faiz təşkil edir.
Son illər rayonda elektrik və qaz təsərrüfatının, əhalinin su təchizatının yaxşılaşdırılması sahəsində xeyli işlər görülmüşdür.
Bununla yanaşı elektrik təsərrüfatının işində ciddi problemlər qalmaqdadır. Əksər yerlərdə, xüsusilə kənd yaşayış məntəqələrində elektrik enerjisinin ötürülməsi texniki norma və şərtlərin pozulması ilə aparılır.
Qazlaşdırma davam etdirilmiş və əhalisinin ümumi sayı 68,8 min nəfər olan Ağsu şəhərinə və 62 kənd yaşayış məntəqəsinə qaz verilişi bərpa olunmuşdur. Beləliklə, rayon əhalisinin 92,5 faizinin yaşadığı ərazilər təbii qazla tam təmin olunmuşdur.
İçməli su təchizatının yaxşılaşdırılması ilə bağlı son illərdə mühüm layihələr həyata keçirilməsinə baxmayaraq əksər kəndlərdə əhali təmizlənməmiş və zərərsizləşdirilməmiş sudan istifadə edir. Su mənbələri üzərində quraşdırılması nəzərdə tutulan 8 modul tipli sutəmizləyici qurğudan yalnız 2-nin tikintisi başa çatdırılmışdır. Əhaliyə, müəssisə və təşkilatlara satılmış suyun haqqının ödəniş səviyyəsi cəmi 86,8 faiz olmuşdur.
Rayon İcra hakimiyyətinin təşkilatçılığı sayəsində son dövrlərdə ümumtəhsil məktəblərinin göstəricilərində müəyyən irəliləyişlərə nail olunmuşdur. Bununla yanaşı 2014-2015-ci dərs ilində tam orta məktəbi bitirən 538 on birinci sinif məzunundan cəmi 273-ü ali təhsil almaq üçün ərizə vermiş, bunlardan da 103-ü tələbə adını qazanmışlar. Son illərdə tələbələrin sayında artım əldə edilsə də təhsilin keyfiyyətinin yaxşılaşması üçün hələ də səmərəli tədbirlər görülmür. Təkcə onu qeyd etmək kifayətdir ki, imtahan verən məzunların 37,7 faizi 100 baldan da aşağı nəticə göstərmişdir. 500 baldan yuxarı nəticə əldə edənlər cəmi 3,3 faiz olmuşdur.
2015-ci ildə rayonda 1474 uşaq doğulmuş və əhali arasında 442 ölüm qeydə alınmışdır. Təbii artım 1032 nəfər ölmüşdür.
Səhiyyə xidmətinin səviyyəsinin yaxşılaşdırılması üçün həyata keçirilən tədbirlər gücləndirilməlidir. Həkimlərin və orta tibb işçilərinin yetişdirilməsi üçün rayon üzrə konkret Proqram hazırlanmalıdır.
2008-ci ildən başlayaraq maddi-texniki bazanın möhkəmləndirilnəsinə baxmayaraq mədəniyyət müəssisələri öz işlərini günün tələbləri səviyyəsində qura bilmirlər. İxtisaslı və peşəkar kadrların çatışmaması üzündən keçirilən tədbirlərin səmərəsi aşağıdır. Kitabxana xidməti isə müasir dövrün tələbələrinə uyğunlaşdırılmamışdır.
Rayonda gənclərlə iş üzrə 33 rayon tədbiri keçirilmiş və bu tədbirlərdə 4708 nəfər iştirak etmişdir. Rayon gəncləri zona və respublika tədbirində də təmsil olunmuşlar. Bunlarla yanaşı Gənclər və İdman İdarəsinin kollektivi istedadlı gənclərin və yeniyetmələrin üzə çıxarılması, onların bacarıqla irəli çəkilməsi, problem və çətinliklərinin həll edilməsi sahəsində təşəbbüskarlığını artırmalı, idmanın ayrı-ayrı növlərinin təbliği, kütləviliyinin artırılması sahəsində işləri gücləndirməlidir.
2015–ci ildə rayonda telefon rabitəsi xidmətlərinin həcmi əvvəlki illə müqayisədə 1,3 faiz artaraq 429,0 min manata çatsa da gəlirlər proqnozu 4,7 faiz kəsirdə qalmışdır. ATS-lərin montaj tutumundan istifadə cəmi 59,4 faiz təşkil edir. Telefon nömrələrinin sayı Ağsu şəhərində və kəndlərdə əvvəlki ildəkindən 528 ədəd yaxud 12,3 faiz aşağı düşmüşdür.
Hərbiyə yararlı Səfərbərlik və Hərbi Xidmətə Çağırış üzrə Dövlət Xidməti tərəfindən verilmiş tapşırıqlar bir qayda olaraq artıqlaması ilə yerinə yetirilmişdir.
2015-ci ildə qanunçuluğun qorunması və ictimai asayişin mühafizə olunması sahəsində rayonun hüquq-mühafizə orqanları tərəfindən müəyyən işlər görülmüşdür. 81 cinayət hadisəsi qeydə alınmış, bundan 4-ü açılmamışdır. Açılma faizi 92,3 faiz olmuşdur. Narahatlıq doğuran digər hal 2014-cü illə müqayisədə hesabat ilində 6 cinayət hadisəsinin çox olmasıdır.
Ağır və xüsusilə ağır cinayətlərin açılması tam təmin olunmuşdur. Cinayət törədərək axtarışda olan 6 nəfərin hamısı tutulmuşdur. Aparılan əməliyyat-axtarış və profilaktik tədbirlərin nəticəsində vətəndaşlardan qanunsuz saxlanan silahların yığılması ışləri davam etdirilmiş, narkotiklə bağlı 5 cinayət faktı aşkar olunmuşdur.
2015- ci ildə rayon ərazisində 7 yol nəqliyyat hadisəsi baş vermiş və nəticədə 2 nəfər ölmüş 5 nəfər isə yaralanmışdır. Yol hərəkəti qaydalarının pozulması üzrə 2615 fakt aşkar edilmişdir.
Rayon icra hakimiyyəti başçısı Aparatında vətəndaşların qəbulu, onların şikayət və ərizələrinə müəyyən edilmiş müddətlərdə, obyektiv və həssaslıqla yanaşılması üçün genişmiqyaslı işlər həyata keçirilir. Ötən il rayon İcra hakimiyyətinə 767 vətəndaş müraciəti daxil olmuşdur ki, bu, əvvəlki ilə müqayisədə 3 ədəd çoxdur.
Vətəndaşlardan bilavasitə rayon İcra hakimiyyətinin ünvanına daxil olan müraciətlərin sayı 294 ədəd olmuşdur. Dövlət orqanlarından və digər qurumlardan baxılmaq üçün daxil olan müraciətlərin ümumi sayı 473 ədəd təşkil edir. Nəzarət qaydasında baxılan müraciətlərin sayı 2014-cü illə müqayisədə 4 ədəd azalsa da vətəndaş müraciətlərinin 61,7 faizinin mərkəzi icra hakimiyyəti orqanlarından və digər qurumlardan, o cümlədən 48 faizinin Administrasiyadan daxil olması təəssüf doğurur. İl ərzində 42 şikayət daxil olmuşdur. Bu, müraciətlərin 5,4 faizini təşkil edir və 2014-cü illə müqayisədə 9 ədəd azdır. 11 şikayət ərizəsi müsbət, 1 ədədi isə qismən həll olunmuşdur.
Ötən ildən vətəndaş müraciətlərinin vahid elektron sisteminə keçirilmişdir. Vətəndaşların qəbulu və onların müraciətlərinə baxılması işinin vəziyyəti yanvar və iyul aylarında rayon İcra hakimiyyəti başçısı yanında Şuranın iclaslarında müzakirə edilmiş və müvafiq qərarlar qəbul edilmişdir.
Əvvəlki illərdə olduğu kimi vətəndaşların bilavasitə yaşadıqları ərazidə qəbuluna üstünlük verilmişdir. Ötən il keçirilən 46 səyyar qəbulda vətəndaşlar tərəfindən 183 məsələ qaldırılmışdır.
Görülmüş tədbirlərə baxmayaraq RİH başçısı Aparatında rəhbərliyin forma və metodlarının yenilənməsi prosesi ləng gedir. Rayon ərazisindəki müəssisə və təşkilatların işinin əlaqələndirilməsində prinsipiallıq göstərilməli, problem və çətinliklərin aradan qaldırılması üçün çevik qərarlar qəbul edilməlidir.
Rəhbər kadrlara qarşı tələbkarlıq artırılmalıdır. Bu, birinci növbədə RİH başçısının Aparatında və yerli icra nümayəndəliklərində çalışanlara aiddir. Onların bir çoxu vəzifə borclarını layiqincə yerinə yetirə bilmirlər. RİH başçısının Ərəbsarvan kənd inzibati ərazi dairəsi üzrə nümayəndəsi Pünhan Səmədov ərazinin sosial problemlərinin həllində, vətəndaşların qəbulu və onların müraciətlərinə baxılmasında az fəallıq göstərir, ekstremal vəziyyətlərdə çevik qərarlar qəbul edə bilmir. Rayonun hər bir kollektivdə işlərin vəziyyəti mütəmadi olaraq təhlil olunmalı, arxayınçılığa, nöqsan və geriliklərə yol verən rəhbər vəzifəli şəxslər barəsində ciddi tədbirlər görülməlidir.
2016-cı ildə və qarşıda çox mühüm vəzifələr dayanır. Azərbaycan Respublikasının Prezidenti cənab İlham Əliyevin yanvarın 10-da Nazirlər Kabinetinin 2015-ci ilin sosial-iqtisadi inkişafının yekunlarına və 2016-cı ildə qarşıda duran vəzifələrə həsr olunan iclasındakı və yanvarın 26-da regionların 2014-2018-ci illərdə sosial-iqtisadi inkişafı Dövlət Proqramının icrasının ikinci ilinin yekunlarına həsr olunmuş Konfransdakı çıxışları hər bir rəhbər işçi və dövlət məmuru tərəfindən Fəaliyyət Proqramı kimi qəbul edilməlidir.
Rayonda sosial-iqtisadi inkişaf tədbirlərinin sürətləndirilməsi, əhalinin sosial müdafiəsinin gücləndirilməsi və sosial problemlərinin həllini nəzərdə tutan geniş miqyaslı işlər görüləcəkdir. Kənd təsərrüfatı məhsulları istehsalının genişləndirilməsi üçün məqsədyönlü Proqram hazırlanmalıdır. Əhalinin faydalı məşğulluğunun təmin olunması üçün mütərəqqi təsərrüfat formalarının – istehsal kooperativlərinin, fermer təsərrüfatlarının sayının artırılması və dənli bitkilərlə yanaşı yüksək məhsuldarlığa malik, iqtisadi cəhətdən səmərəli üzüm, pambıq və digər bitkilərin əkin sahəsinin genişləndirilməsi məqsədilə maarifləndirmə işlərinin aparılmasına ciddi ehtiyac vardır.
Heyvandarlıqda yüksək məhsuldar mal-qaranın yetişdirilməsi üçün damazlıq işlərinin təşkili yaxşılaşdırılmalı, kənd təsərrüfatında intensiv əkin və suvarma metodlarının tətbiqinə nail olunmalıdır..
Azərbaycan Respublikasının Prezidenti cənab İlham Əliyevin ölkədə sahibkarlığın inkişaf etdirilməsi, əhalinin məşğulluq səviyyəsinin artırılması, yeni iş yerlərinin açılması, sərmayələrin cəlb edilməsi ilə bağlı tapşırıqlarının icrasını təmin etmək məqsədilə 4 fevral 2016-cı il tarixli Sərəncamla rayon icra hakimiyyəti başçısı yanında 11 nəfərdən ibarət Qərargah yaradılmışdır. Qərargah ciddi təhlillər əsasında sosial-iqtisadi inkişafla bağlı proqnozlar, habelə sahibkarların, vətəndaşların davamlı qəbulu zamanı irəli sürülən fikirlər və qaynar xətt vasitəsilə daxil olan məlumatlar əsasında təkliflər hazırlayacaq, yeni iş yerlərinin yaradılması və sərmayələrin cəlb edilməsi ilə bağlı bütün zəruri tədbirlər həyata keçirəcəkdir. Eləcə də Azərbaycan Respublikası Prezidentinin “Azərbaycan Respublikasının mərkəzi və yerli icra hakimiyyəti orqanlarında Apellyasiya Şuralarının yaradılması haqqında” 3 fevral 2016-cı il tarixli, 762 nömrəli Fərmanına uyğun olaraq sahibkarlıq fəaliyyəti göstərən fiziki və hüquqi şəxslərin şikayətlərinə baxılması sahəsində şəffaflığın və obyektivliyin təmin edilməsi, bu sahədə sahibkarların və belə fəaliyyətlə məşğul olmaq istəyənlərin hüquqlarının və qanunla qorunan maraqlarının müdafiəsi məqsədi ilə RİH başçısının müvafiq Sərəncamı ilə rayon icra hakimiyyətində Apellyasiya Şurası yaradılmışdır.
Yeni iş yerlərinin yaradılması rayon icra hakimiyyətinin başlıca vəzifəsi olacaqdır. 2015-ci ildə Məşğulluq Mərkəzi tərəfindən 235 nəfər vətəndaş işlə təmin olunsa da cari ilin əvvəlinə Mərkəzdə 1020 nəfər vətəndaş işaxtaran kimi qeydiyyatdadır. Qeyri-məşğul əhalinin ödənişli ictimai faydalı əmək fəaliyyətinə cəlb edilməsi ilə bağlı təkliflər hazırlanmışdır. Bu məqsədlə 1 fevral 2016-cı ildən kommunal təsərrüfatı, yol tikintisi və təmiri sahələrində 353 nəfər çalışacaqdır. Bu günədək 328 nəfərə işə göndəriş verilmişdir.
Sənaye şəhərciyinin yaradılması üçün infrastruktur sürətləndiriləcək, tikinti, nəqliyyat və rabitə müəssisələrinin fəaliyyətini müasir tələblər səviyyəsində qurmaq üçün məqsədli proqramlar həyata keçiriləcəkdir. Yaxın günlərdə Ağsu şəhərində ərazisi 3 hektar olan sahədə inşası başa çatacaq müasir istixana kompleksində 60 nəfər daimi işçi çalışacaqdır.
Fəaliyyəti dayanan müəssisələrin işə salınması da diqqət mərkəzində olacaqdır. 2008-ci ildən fəaliyyəti olmayan “Büllur” MMC-nin nəzdində də faraş meyvə-tərəvəz yetişdirilməsi məqsədilə inşaat işlərinin görülməsi nəzərdə tutulmuşdur.
Ərəbmehdibəy kəndində yaradılan “Aydan” Kəndli (fermer) təsərrüfatı tərəfindən cari ildə 100 hektar sahədə nar bağının salınması, fərdi mülkiyyətçi və ailə kəndli (fermer) təsərrüfatı tərəfindən ətlik və südlük maldarlığın inkişafı ilə bağlı tədbirlər azı 125 nəfərin işlə təmin olunmasına imkan verəcəkdir. Hacıqədirli kəndi ərazisində hər cür şəraiti olan, müasir dizayn və memarlıq üslubunda inşa olnan və süd istehsal edən 200 başlıq heyvandarlıq kompleksi istismara tam hazır vəziyyətdədir.
“Az.Şərab-3” ASC-nin nəzdində yaradılmış “Qradus 40” MMC-də quraşdırılacaq müasir avadanlıqlar və mütərəqqi texnologiyalar hesabına istehsal prosesləri yenilənəcək, xarici bazarlara rəqabətqabiliyyətli alkoqollu içkilər çıxarılacaqdır. Müəssisədə həmçinin heyvandarlığın inkişaf etdirilməsi üçün 240 baş cins mal-qara saxlanan müasir heyvandarlıq kompleksi - 2 mexanikləşdirilmiş tövlə və digər yardımçı tikililər istifadəyə veriləcəkdir.
irhəsənıi bələdiyyəsi ərazisində sahibkar Emin Bədəlovun sərmayəsi ilə inşa olunan heyvandarlıq kompleksi tam güclə işə düşdükdən sonra 100 baş ətlik-südlük istiqamətli iri buynuzlu mal-qara və 1000 baş qoyun-keçi yetişdirilməsinə imkan verəcəkdir.
Rayonda müasir tələblərə cavab verən mal-qara kəsimi məntəqəsi yoxdur. 2016-cı ildə bu sahədə də işlərin görülməsi nəzərdə tutulmuşdur. Ağsu şəhərinin cənub-şərqində “Mal bazarı” adlanan ərazidə sanitar-gigiyenik qaydalara cavab verən kəsim məntəqəsinin inşası işlərinə başlanacaqdır. Burada həmçinin ət istehsalı məqsədilə 200 baş mal-qara tutumuna malik tikililər də yaradılacaqdır.
2016-cı ildə nəzərdə tutulmuş istehsal, xidmət və sosial-mədəni obyektlərin inşasına diqqət artırılacaqdır. Təbii qaz almayan yaşayış məntəqələrinin qazlaşdırılması üçün “Azəriqaz” İstehsalat Birliyi ilə birlikdə əlavə tədbirlər görüləcəkdir. Qəzalı vəziyyətdə olan və əsaslı təmirə ehtiyacı olan ümumtəhsil məktəbləri üçün yeni binaların tikintisinə səy gö göstəriləcəkdir.
Hər cür şəraitə malik müasir xəstəxana binasının tikintisində işlərin başa çatdırılacaq və tikinti kompleksi istifadəyə veriləcək, mədəni-maarif müəssisələrinin maddi-texniki bazasının möhkəmləndirilməsi və xidmətin keyfiyyətinin yaxşılaşdırılması üçün əsaslı tədbirlər görüləcəkdir. Ağsu şəhərində kanalizasiya şəbəkəsinin tikintisi layihəsinin icrası, şəhər və kənd yollarının təmiri və asfaltlaşdırılması davam etdiriləcəkdir.
Müəssisə, idarə və təşkilatlarda çalışanların iş şəraitinin yaxşılaşdırılması üçün imkanlardan tam istifadə ediləcəkdir. Əhalinin sosial müdafiəsi və sosial təminat ilə bağlı dövlət tədbirləri aparılacaqdır. Cari il üçün rayon üzrə gəlirlər 3 milyon 330 min manat proqnozlaşdırılmışdır. Ayrı-ayrı tədbirlərin maliyyələşdirilməsinə 14 milyon 606 min manat vəsait xərclənməsi nəzərdə tutulmuşdur.
Görülmüş işlərin nəticəsində rayonda yüzlərlə yeni iş yerləri yaradılacaq və əhalinin məşğulluq səviyyəsi daha da yaxşılaşacaqdır.
Hesabat yığıncağında çıxış edən Mərkəzi xəstəxananın çaş həkimi Ş.Məlikova, Polis şöbəsinin rəisi E.Paşayev, Təhsil şöbəsinin müdiri T.Xasi, Su-Kanal İdarəsinin rəisi C.Hüseynov və başqaları rayonun sosial-iqtisadi inkişafını daha da sürətləndirmək, yeni iş yerlərinin yaradılması və əhalinin məşğulluğunun yaxşılaşdırılması üçün səmərəli təkliflər vermişlər.
Prezident Administrasiyasının Regional idarəetmə və yerli özünüidarəetmə orqanları şöbəsinin məsul işçisi Dəyanət Abdullayev və Milli Məclisin deputatı Tahir Kərimli yığıncağın işində iştirak etmişlər.
Sonda Azərbaycan Respublikasının Prezidenti cənab İlham Əliyevə Müraciət qəbul olunmuşdur.
