Ümummilli Lider Heydər Əliyevin anadan olmasının 96-cı ildönümü münasibətilə silsilə tədbirlər keçirilib

07 may 2019 | 11:00

Ümummilli Lider Heydər Əliyevin anadan olmasının 96-cı ildönümü münasibətilə rayon İcra Hakimiyyəti, Gənclər və İdman idarəsi və Təhsil şöbəsinin birgə təşkilatçılığı ilə 01-07 may 2019-cu il tarixlərdə silsilə tədbirlər keçirilib.
Rayonun ümumtəhsil müəssisələrində Ulu öndərin həyat və fəaliyyəti barədə rəsm, şeir və inşa yazı müsabiqələri keçirilib. Bilik yarışmasında rayonun 35 tam orta məktəbinin komandası, inşa yazı müsabiqəsində 120 şagird, şeir müsabiqəsində isə 85 şagird iştirak edib.
10 və 16 yaşadək şahmatçılar arasında rayon birinciliyi, həvəskarlar arasında nərd, təhsil işçiləri arasında isə mini futbol üzrə rayon çempionatları təşkil olunub. Birincilik və çempionatlarda ümumilikdə 116 nəfər idmançı öz qüvvəsini sınayıb.
Yarış və müsabiqələrdə fərqlənənlərə diplom və qiymətli hədiyyələr təqdim edilib.

Keçidlər