Qızlardan ibarət komandalar arasında voleybol idman növü üzrə rayon birinciliyi keçirilib
Martın 5-də A.Nadirov adına Ağsu şəhər 1 №-li məktəb-liseydə ümumtəhsil tam orta məktəblərinin qızlardan ibarət komandaları arasında voleybol idman növü üzrə rayon birinciliyi keçirilib. Yarışın keçirilməsində məqsəd “8 Mart - Beynəlxalq Qadınlar Günü”nü yüksək səviyyədə qeyd etməklə yanaşı qız voleybolunun inkişafına nail olmaq və rayonun qızlardan ibarət yığma komandasının tərkibinə yeni idmançıları cəlb etmək olmuşdur.
Birincilikdə ümumilikdə 8 tam orta məktəb komandasından 86 nəfər idmançı iştirak etmişdir. Yarış Olimpiya sistemi üzrə (uduzan çıxır) keçirilib.
Birinci yerə A.Nadirov adına Ağsu şəhər 1 №-li məktəb-liseyin, ikinci yerə 4 saylı şəhər tam orta məktəbinin, üçüncü yerlərə isə S.Umbayev adına şəhər 2 saylı və P.F.Mirzəyev adına şəhər 5 saylı tam orta məktəbinin komandaları layiq görülmüşlər.
Yarışın qaliblərinə Ağsu rayon Gənclər və İdman idarəsinin qiymətli hədiyyələri və diplomları təqdim olunub.
.jpg)
.jpg)
