Rayon məktəbliləri arasında şahmat idman növü üzrə rayon birinciliyi keçirilib
Ümummilli Lider Heydər Əliyevin anım günü ilə əlaqədar 07-08 dekabr 2017-ci il tarixlərdə Ağsu rayon Gənclər və İdman İdarəsi, Təhsil şöbəsi, Təhsil İşçiləri Azad Həmkarlar İttifaqı rayon komitəsi və Uşaq-Gənlər İdman-Şahmat Məktəbi tərəfindən məktəblilər arasında şahmat idman növü üzrə rayon birinciliyi keçirilib.
Uşaq-Gənclər İdman-Şahmat məktəbində keçirilən yarışın əsas məqsədi Ümummilli Lider Heydər Əliyevin xatirəsini əbədiləşdirmək, yeniyetmə idmançılara Ulu Öndərin idmanın inkişafında əvəzsiz rolunu təbliğ etmək və şahmatçıların təsnifat dərəcələrini artırmaq olub. Dairəvi sistem üzrə keçirilən yarışda 10 və 16 yaşadək olan qruplarda 53 nəfər məktəbli iştirak edib.
Hər iki yaş qrupunda I, II və III yerlərə layiq görülən şahmatçılara Gənclər və İdman idarəsinin diplomları, Təhsil İşçiləri Azad Həmkarlar İttifaqı rayon komitəsinin fəxri fərmanları və qiymətli hədiyyələri təqdim olunub.