Dövlət Müstəqilliyi Günü münasibətilə məktəblilər arasında şahmat idman növü üzrə rayon birinciliyi keçirilmişdir
18 Oktyabr - Dövlət Müstəqilliyi Günü münasibətilə oktyabrın 12-dən 14-dək Ağsu rayon Gənclər və İdman İdarəsi, rayon Təhsil şöbəsi və Uşaq-Gənlər İdman-Şahmat Məktəbi tərəfindən birgə təşkil olunmuş məktəblilər arasında şahmat idman növü üzrə rayon birinciliyi keçirilmişdir.
Rayon Uşaq - Gənlər İdman - Şahmat Məktəbində 3 gün davam edən yarışda əsasən 10 və 16 yaşadək olan məktəblilər iştirak etmişlər. 10 yaşadək olan qrupda 32 nəfər , 16 yaşadək olan qrupda isə 16 nəfər bacarıq və qabiliyyətlərini göstərmişlər. Yarış iştirakçıların sayına uyğun olaraq dairəvi və Olimpiya üsulu ilə (uduzan çıxır) sistemi üzrə keçirilmişdir.
Hər iki yaş qrupunda I, II və III yerləri tutan şahmatçılara Ağsu rayon Gənclər və İdman idarəsinin diplomları təqdim olunmuşdur. Həvəsləndirmə məqsədilə birincilikdə fərqlənən digər şahmatçılar da diplomlarla mükafatlandırılmışlar.