Ağsuda pambıq sahələrinin 1000 hektarı maşınlarla yığılacaq
20 sentyabr 2017 | 11:00
Cari mövsümdə Ağsu rayonunda 2500 hektar pambıq yetişdirilib. Onun 1000 hektarında məhsul maşınlarla yığılacaq. Məhsul yığımına 4 pambıqyığan texnika cəlb olunub. Bunlardan 2-si “Ucar MKT”yə, 2-si isə “Ağsu kənd təsərrüfatı” MMC-yə məxsus sahələrdə işləyəcək.
Sentyabrın 20-də rayonda pambıqyığan maşınlarla məhsul yığımına start verilib. Maşınla pambıq yığımı Ərəbmehdibəy kənd inzibati ərazi dairəsinə fermer Hacağa Hüseynova məxsus sahədən başlanıb. Fermer 300 hektarda pambıq yetişdirib ki, bunun da hamısı maşınlarla yığılacaq.