AZƏRBAYCAN RESPUBLİKASI
AĞSU RAYON
İCRA HAKİMİYYƏTİ

Xəbərlər

• 

  Aprel döyüşlərində Şəhid olmuş Toğrul Fərəczadənin ömür yolundan bəhs edən “Daş heykəlin nağılı” kitabının təqdimatı keçirilib.

  2017-04-01

  Ağsuda müasir Azərbaycan hərb tarixinə qızıl hərflərlə yazılmış aprel döyüşlərində şəhid olan Toğrul Fərəczadənin ömür yolundan bəhs edən “Daş heykəlin nağılı” kitabının təqdimatı keçirilib.
• 

  Ağsuda 31 Mart- Azərbaycanlıların Soyqırımı Gününə həsr edilən yığıncaq olub

  2017-03-31

  Rayon icra hakimiyyətində keçirilən yığıncaqda xalqımıza qarşı zaman-zaman törədilən qətlyamlar, bu qətlyamları törədənlər barədə konkret tarixi faktlar bir daha diqqətə çatdırılıb. Vurğulanıb ki, 1828-ci il martın 21-də rus imperatoru birinci Nikolayın İrəvan və Naxçıvan xanlıqlarının əraziləri hesabına “Erməni vilayəti” yaradılması barədə fərmanı bu yerlərə köçürülən ermənilərin yerli sakinlər olan azərbaycanlılar üçün gələcək dəhşətli günlərin əsasını qoyub.
• 

  Şəhid Aslan Nadirovun anım mərasimi keçirilib

  2017-03-29

  Aslan Tarverdi oğlu Nadirov 1968-ci ildə Ağsu rayonunun Gəgəli kəndində anadan olub. Bakı şəhər 2 nömrəli tibb məktəbini bitirən gənc 1992-ci il martın 11-də “Dağlıq Qarabağ” könüllülər hərbi dəstəsinin tərkibində Laçın rayonunun Turşsu kəndinə göndərilib.
• 

  Novruz bayramı qeyd olunmuşdur

  2017-03-17

  Xalqımızın ən əziz bayramı olan Novruz Ağsuda ümumxalq şənliyi kimi qeyd olunub. Heydər Parkında rayon sakinlərinin iştirakı ilə keçirilən bayram tədbirində rayon rəhbərliyi Novruzun gəlişi münasibətilə ağsuluları təbrik edib, onlara xoş bayram əhval-ruhiyyəsi, əmin-amanlıq arzuladı. Ölkəmizdə milli mənəvi dəyərlərin, adət-ənənələrin qorunub saxlanması və daha da inkişaf etdirilməsində ümummilli liderimiz Heydər Əliyevin və onun siyasi kursunun layiqli davamçısı Prezident İlham Əliyevin xidmətlərindən danışılıb. Bu bayramın respublikamızın hər bir guşəsində olduğu kimi, Ağsuda da böyük ruh yüksəkliyi ilə qeyd olunduğu bildirilib.
• 

  Ağsu məktəbliləri “Ölkəmizi tanıyaq” devizi altında keçirilən növbəti - 7-ci tur-aksiyaya qoşulmuşlar

  2017-03-16

  Bu münasibətlə şəhərin mərkəzindəki Heydər parkında rayon rəhbərliyinin, valideynlərin, müəllimlərin iştirakı ilə təntənəli mərasim keçirilib. Məktəblilər və onları müşayiət edənlər əvvəlcə parkda Ulu Öndərin abidəsini ziyarət edib, önünə çiçəklər qoyublar.
• 

  8 Mart - Beynəlxalq Qadınlar Günü münasibəti ilə bayram tədbiri olub

  2017-03-07

  “Tural Plaza” şadlıq sarayında təşkil edilən bayram tədbirində rayonun ictimai-siyasi həyatında fəallıq göstərən, dövlət, təhsil, səhiyyə, mədəniyyət və digər sahələrdə çalışan, habelə ictimai təşkilat və birliklərə rəhbərlik edən 150 nəfər qadın iştirak edib. Mərasimi giriş sözü ilə açan rayon icra hakimiyyətinin başçısı Ənvər Seyidəliyev qadınları bayram münasibəti ilə təbrik edib. Natiq, eləcə də digər təbrik nitqi söyləyənlər ölkəmizdə, o cümlədən rayonda qadınlara göstərilən diqqət və qayğıdan danışıb, onların ictimai-siyasi fəallığını, sosial-iqtisadi və mədəni həyatımızda rolunu yüksək qiymətləndirib.
• 

  Talassemiya və hemofiliya xəstəliyindən əziyyət çəkən uşaqlar üçün qanvermə aksiyası keçirilib

  2017-03-06

  Səhiyyə Nazirliyinin B.Eyvazov adına Hematologiya və Transfiziologiya İnstitutunun nəzdindəki Mərkəzi Qan Bankı martın 6-da Ağsu rayonunda qanvermə aksiyası keçirib.
• 

  Xocalı soyqırımının 25-ci ildönümü ilə əlaqədar Ağsu Rayon İcra Hakimiyyətində anım tədbiri keçirilib

  2017-02-25

  Xocalı soyqırımının 25-ci ildönümü ilə əlaqədar Ağsu Rayon İcra Hakimiyyətində anım tədbiri keçirilib Tədbir iştirakçıları əvvəlcə XX əsrin ən dəhşətli faciələrindən olan Xocalı qətliamına həsr edilən sənədli filmə baxıblar.
• 

  Məktəb komandaları arasında voleybol üzrə rayon birinciliyi keçirilir

  2017-02-22

  Ağsuda məktəb komandaları arasında voleybol üzrə rayon birinciliyi keçirilir. Birincilik rayonun Abasxanlı kəndində anadan olan Azərbaycan Silahlı Qüvvələrinin polkovnik-leytenantı, şəhid Famil Məmmədlinin xatirəsinə həsr edilib.
• 

  2016-cı ilin sosial-iqtisadi inkişafının yekunları və qarşıda duran vəzifələr ətraflı müzakirə edilmişdir

  2017-02-17

  Rayon rəhbərliyi, fəallar və qonaqlar əvvəlcə Heydər parkında Ümummilli Liderin abidəsini ziyarət edib, önünə qərənfillər düzüblər. Hesabat yığıncağında Prezident İlham Əliyevin 2016-cı il aprelin 29-da Ağsuya səfərinə həsr edilən sənədli film nümayiş olunub.
• 

  Ağsu rayonunda 78 min nəfərdən çox sakin pulsuz tibbi müayinədən faydalanacaq

  2017-02-16

  Prezident İlham Əliyevin tapşırığına əsasən, fevralın 15-dən respublikamızın hər yerində olduğu kimi, Ağsu rayonunda da əhalinin növbəti pulsuz kütləvi tibbi müayinəsinə başlanılıb. Dövlət başçısının bu humanist təşəbbüsündən rayon üzrə 78 min nəfərdən çox sakin faydalanacaq.
• 

  Gənclər Günü münasibətilə tədbir keçirilmişdir

  2017-02-02

  Fevralın 2-də səhər saatlarında bayramlarını qeyd etmək üçün Ağsu şəhərinin mərkəzindəki Heydər parkına toplaşan rayon gənclərinin böyük bir dəstəsi əvvəlcə burada müasir, müstəqil Azərbaycan dövlətinin qurucusu, ulu öndər Heydər Əliyevin abidəsini ziyarət edib, önünə qərənfillər düzüblər. Ziyarətdən sonra gənclər Heydər Əliyev Mərkəzinə gəliblər. Burada onlara Ümummilli Liderimizin həyat və fəaliyyəti ilə bağlı fotoşəkillər və sənədlər barədə ətraflı məlumat verilib, videoçarx nümayiş etdirilib.
• 

  Milli Qəhrəmanın xatirəsinə həsr olunan turnirin qalibləri mükafatlandırılıb

  2017-01-27

  Ağsuda Milli Qəhrəman Şamil Ramazanovun anadan olmasının 41-ci ildönümünə həsr olunan taekvando idman növü üzrə xatirə turniri keçirilib. Turnir rayon Gənclər və İdman İdarəsinin, Təhsil Şöbəsinin və Rəhimli kənd inzibati ərazi dairəsi üzrə icra nümayəndəliyinin birgə təşkilatçılığı ilə reallaşıb.
• 

  Ağsulular 20 Yanvar qurbanlarının xatirəsini anıblar

  2017-01-20

  Minlərlə ağsulu yanvarın 20-də səhər saatlarında şəhərdəki Qəhrəmanlıq kompleksinə, oradan isə şəhid məzarlığına gələrək iyirmi yeddi il əvvəl sovet imperiyası hərbi hissələrinin Bakıda törətdiyi qətliamı yad ediblər. Qərənfillərlə örtülən xatirə kompleksi və şəhid məzarları insanların vətənin azadlığı, torpaqlarımızın bütövlüyü uğrunda qurban gedənlərin xatirəsinə dərin ehtiramının təcəssümü idi.
• 

  Rayon məktəbliləri arasında 20 Yanvar Ümumxalq Hüzn gününə həsr olunmuş şahmat idman növü üzrə rayon birinciliyi keçirilmişdir

  2017-01-19

  17-19 yanvar 2017-cı il tarixlərdə Uşaq Gənclər Şahmat Məktəbində məktəblilər arasında 20 Yanvar Ümumxalq Hüzn gününə həsr olunmuş şahmat idman növü üzrə rayon birinciliyi keçirilmişdir. Birincilikdə 61 nəfər məktəbli iştirak etmişdir. I , II və III yerlərin qaliblərinə Ağsu rayon Gənclər və İdman idarəsinin diplomları təqdim olunmuşdur.
• 

  Rayon məktəbliləri arasında 20 Yanvar Ümumxalq Hüzn gününə həsr olunmuş rəsm müsabiqəsi keçirmişdir

  2017-01-19

  19 yanvar 2017-cı il tarixdə Uşaq-Gənclər Bədii Yaradıcılıq Mərkəzində məktəblilər arasında 20 Yanvar Ümumxalq Hüzn gününə həsr olunmuş rəsm müsabiqəsi keçirmişdir. Müsabiqədə 25 nəfər məktəbli iştirak etmişdir. I , II və III yerlərin qaliblərinə Ağsu rayon Gənclər və İdman idarəsinin diplomları və hədiyyələr verilmişdir.
• 

  Görkəmli dövlət xadimi, tibb elmləri doktoru, professor Əziz Əliyevin 120 illiyinə həsr edilən təntənəli yığıncaq keçirilib

  2017-01-17

  Mərkəzi xəstəxanada təşkil edilən yığıncaqda rayon icra hakimiyyəti başçısının müavini Sevil Mirzəliyeva, xəstəxananın baş həkimi Şəhrəbanı Məlikova, həkim Seydağa Gülümov və başqalarının çıxışlarında Əziz Əliyevin zəngin və mənalı həyat yolu, elmi və siyasi fəaliyyətinin müxtəlif aspektləri, gözəl həkim, təşkilatçı, həkim-tədqiqatçı, pedaqoq, maarifçi kimi xüsusiyyətləri barədə ətraflı danışılıb.
• 

  Həmrəylik Günü və Yeni il münasibətilə bayram tədbiri keçirilib

  2016-12-30

  Ağsu rayonunda 31 Dekabr - Dünya Azərbaycanlılarının Həmrəylik Günü və Yeni il təntənəli tədbirlərlə qeyd olunub. Dekabrın 30-da səhər bayramsayağı bəzədilən Heydər parkına gələn rayon rəhbərliyi, ictimaiyyətin çoxsaylı nümayəndələri əvvəlcə Ümummilli Liderin abidəsini ziyarət edib, önünə çiçəklər qoyublar.
• 

  Padarqışlaq kəndinə təbii qaz verilib

  2016-12-21

  Rayonda ən ucqar yaşayış məntəqələrindən olan, 1512 nəfər əhalinin yaşadığı Padarqışlaq kəndinə “mavi yanacaq” verilib. Rayon mərkəzindən 49 kilometr məsafədə yerləşən kəndin qazlaşdırılması üçün 21249 metr polad, 4968 metr polietilen borulardan istifadə olunub. Bütün evlər sayğaclaşdırılıb.
• 

  Ulu öndər Heydər Əliyevin əziz xatirəsi ehtiramla anılıb

  2016-12-12

  Ağsu rayonunda görkəmli dövlət və siyasi xadim, ümummilli lider Heydər Əliyevin vəfatının 13-cü ildönümü ictimaiyyətin çoxsaylı nümayəndələrinin, o cümlədən ziyalıların, ağsaqqalların və gənclərin iştirakı ilə ehtiramla yad edilib.
• 

  Ümummilli lider Heydər Əliyevin anım gününə həsr olunan məktəblilər arasında şahmat üzrə rayon birinciliyi keçirilib

  2016-12-08

  Ağsuda ümummilli lider Heydər Əliyevin anım gününə həsr olunan məktəblilər arasında şahmat üzrə rayon birinciliyi keçirilib.
• 

  Ağsuda Beynəlxalq Əlillər Günü qeyd edilib

  2016-12-03

  Əlilliyi olan şəxslərin sosial müdafiəsi, onların maddi təminatının gücləndirilməsi bu gün dövlət siyasətinin əsas istiqamətlərindəndir. Əsası ulu öndər Heydər Əliyev tərəfindən işlənib hazırlanan bu siyasət hazırda Prezident İlham Əliyevin rəhbərliyi ilə uğurla həyata keçirilir. Dövlət əlil vətəndaşların sağlamlıq, reabilitasiya, istirahət, texniki bərpa, ev və nəqliyyat vasitələri ilə təminat proqramlarına cəlb olunmasını daim diqqətdə saxlayır. Bu barədə dekabrın 3-də Ağsu şəhərindəki Veteranlar Klubunda Beynəlxalq Əlillər Günü münasibətilə çay süfrəsi arxasında keçirilən görüşdə danışılıb.
• 

  “Ağsuda xalçaçılıq” adlı sərgi-yarmarka təşkil olunub

  2016-11-21

  MİRAS Mədəni İrsin Öyrənilməsinə Kömək İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi “Kənd həyat tərzinin inkişafında qadınların rolu” layihəsi çərçivəsində noyabrın 20-də Orta Əsr Ağsu şəhəri arxeoloji turizm kompleksində “Ağsuda xalçaçılıq” adlı sərgi-yarmarka təşkil olunub.
• 

  Ağsu məktəbliləri “Ölkəmizi tanıyaq” tur-aksiyası çərçivəsində şimal rayonlarına yola salınıb

  2016-11-17

  Ağsu rayonunun ümumtəhsil məktəblərinin yuxarı sinif şagirdlərindən ibarət 40 nəfərlik qrup Prezident İlham Əliyevin tövsiyəsi ilə ”Ölkəmizi tanıyaq” devizi ilə keçirilən maarifləndirici tur-aksiyanın növbəti mərhələsi çərçivəsində noyabrın 17-də şəhərin mərkəzindəki Heydər Əliyev parkından respublikamızın şimal bölgələri istiqamətinə yola salınıb. Məktəblilər 4 nəfər müəllim və 1 nəfər həkimin müşayiəti ilə əvvəlcə Şamaxıda ətraf rayonlardan olan tur-aksiya iştirakçıları ilə görüşəcək, oradan Quba-Qusar və Xaçmaza gedəcəklər.
• 

  Konstitusiya Gününə həsr olunmuş “dəyirmi masa” keçirilib

  2016-11-12

  Noyabrın 12-də Ağsu Rayon İcra Hakimiyyətində Konstitusiya Gününə həsr olunmuş “dəyirmi masa” keçirilib. Rayonun idarə, müəssisə və təşkilat rəhbərlərinin, inzibati ərazi dairələri üzrə icra nümayəndələrinin, bələdiyyə sədrlərinin, ağsaqqalların və gənclərin iştirak etdikləri tədbirin iştirakçıları əvvəlcə şəhərin mərkəzində ümummilli lider Heydər Əliyevin abidəsini ziyarət ediblər.